Црна хроника
Фатен арамија што оперирал по Охрид
– фото илустрација
Охридската полиција поднесе кривична пријава против 26 годишен охриѓанец, осомничен за извршување на неколку кражби на подрачјето на Охрид.
Охридската полиција поднесе кривична пријава против 26 годишен охриѓанец, осомничен за извршување на неколку кражби на подрачјето на Охрид.
Во текот на јуни во ноќните часови, пријавениот Б.Т. од стан на улицата „7 ноември“ во Охрид одзел 200 евра. Парите ги пронашол откако користејќи го велосипедот се качил на електрично ормарче а потоа на терасата по што со употреба на подесен алат, насилно ја отворил балконската врата и извршил пребарување низ собите.
Користејќи штрафцигер и физичка сила пријавениот Б.Т. на 14 месецов успеал да отвори балконска врата и да влезе во куќа на улицата „Дејан Војвода“. Во моментот се вклучил алармниот систем по што брзо избегал и не одзел ништо.
На 21 минатиот месец Б.Т. користејќи штрафцигер и физичка сила ги отворил катинарите од киоскот „Кај шефот“ на улицата „Караорман“ во близина на гимназијата и одзел еден музички систем.
Во текот на овој месец, пријавениот Б.Т. со кршење на буренцето од влезна врата и со насилно отворање на катинар со штрафцигер, имал неуспешни обиди да влезе во уште две куќи на улицата „Никола Петров Русински“.
Пред извршување на кражбите, пријавениот со велосипед вршел обиколка на делови од градот со цел маркирање на објекти поволни за извршување на кражби.
Б.Т. е лице познат на службата против кого и по други основи се поднесувани соодветни пријави. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Во делчевско Вирче најдена граната
Во делчевското село Вирче пронајдена е стара неексплодирана граната. Случајот е пријавен од жител на селото кој експлозивната направа ја пронашол во својот двор.
Во пoлициската станица Делчево, А.М.(60) од с.Вирче, делчевско, на 17.05.2024 во 19.50 часот пријавил дека при извршување градежни работи во неговиот двор пронашол една стара неексплодирана граната, информираат од полиција.
Гранатата по извршениот увид била подигната од пиротехничар од Дирекцијата за заштита и спасување.
Црна хроника
Во куќа на струмичанец најдена дрога
Струмичката полиција вчера околу пладне во Струмица го лишила од слобода Љ.Ѓ.(46) од овој град. При претрес во неговиот дом, извршен со судска наредба, биле пронајдени и одземени кафеава прашкаста материја, црна прашкаста материја, марихуана, бела прашкаста материја, бела грутчеста материја и други предмети за кои постои сомнение дека потекнуваат од кривично дело..
Како што информираат денеска од МВР, лицето било задржано во полициска станица и по целосно документирање на случајот против него ќе биде поднесена соодветна пријава.
Топ
Еден починат и еден тешко повреден во несреќа во лифт во Штип
Едно лице почина, а друго се бори за живот во Клиничката болница- Штип од повреди добиени во несреќа, што според првичните информации се случила во лифт во угостителски објект во Штип.
Повеќе детали околу несреќата засега нема, но од СВР Штип велат дека во тек е увид од страна на полицијата, јавен обвинител од ОЈО Штип, а на терен се и државни инспектори.
Според првичните информации починатото лице и неговиот колега извршувале работна задача во моментот на несреќата.