Спорт
Дирк Новицки на 40 години ќе шутира тројки на НБА-олстар-викендот?
Најдобриот европски кошаркар на сите времиња, како што го најавуваат во САД, Германецот Дирк Новицки (40) моментно ја игра 21-та сезона во најсилната светска кошаркарска лига. Сепак не планира тука да застане, барем засега не најавил пензија, туку стиг…
Најдобриот европски кошаркар на сите времиња, како што го најавуваат во САД, Германецот Дирк Новицки (40), моментно ја игра 21. сезона во најсилната светска кошаркарска лига. Сепак, не планира тука да застане, барем засега не најавил пензија, туку стигна ново признание за него.
Организаторите на годинешниот олстар-викенд во НБА го поканиле Германецот да учествува во натпреварот во шутирање тројки. Доколку Новицки го прифати предизвикот, тоа би значело дека и самиот сфаќа дека крајот на неговата кошаркарска кариера е блиску.
Новицки, кој настапува за Далас Маверикс, сезонава игра во просек по 10-ина минути на меч.
Според статистичките податоци, тој е најдобриот европски кошаркар во историјата на НБА, пред сè, поради освојувањето на МВП-наградата во 2007 година, како и поради освојувањето на титулата во 2011 година кога г предводеше Маверикс против Мајами со Леброн Џејмс, Двејн Вејд и Крис Бош.
Германецот во својата НБА-кариера има постигнато 31.247 поени, што го прави 7. стрелец во историјата на лигата.
Доколку го прифати предизвикот, Новицки тројки ќе шутира на 16 идниот месец на олстар-викендот, кој ќе се одржи од 15 до 17 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ракометарите убедливо поразени од Фарските Острови
Ракометната репрезентација на Македонија ќе има тешка задача да избори пласман на Светското првенство. Вечерва во Торшван, Фарските Острови ја победија Македонија со 34:27.
Македонија, во дуелот со репрезентацијата која беше најпријатното изнеандување на последното Европско првенство, во ниту еден момент не беше конкурентна.
Од стартот македонските ракометари му дозволија да го наметне својот стил на игра. Одбраната немаше решение за играчот на Кил, Скипаготу кој постигна десет гола.
Македонија ја рпедводеше Филип Кузмановски со осум постигнати гола, Митев постигна пет, а Никола Костески четири.
Реванш натпреварот во Скопје се игра в недела од 19:00 часот.
Спорт
Салфетката на Меси на аукција достигна цена од 300.000 евра
Започна наддавањето за салфетката на која фудбалскиот клуб Барселона го напиша своето ветување дека ќе потпише договор со тогаш 13-годишниот Лионел Меси. Првите понуди достигнаа речиси 300.000 долари.
Договорот на салфетката е потпишан во декември 2000 година кога Карлес Рексач, тогаш спортски директор на Барселона, се договори со менаџерот Хорасио Гаџиоли, клубот да го ангажира аргентинскиот тинејџер кој подоцна стана најдобар играч и стрелец во клупската историја.
Наддавањето за документот, опишан од аукциската куќа Bonhams како „сино мастило на стандардна шпанска восочна салфетка“, достигна 220.000 фунти (околу 280.000 евра) набргу по отворањето на аукцијата, објави веб-страницата на аукционерот.
„Тоа никогаш не беше правно обврзувачко, но емотивно претставува длабока врска или почеток на длабока врска што Меси ја имаше со Барселона“, рече главниот маркетинг директор на Бонамс, Марк Сендс.
Меси и помогна на Барселона да освои 35 трофеи, со рекордни 782 настапи и 674 голови.
Лионел Меси ја напушти Барселона во 2021 година и сега игра за Интер Мајами.
Онлајн продажбата завршува на 17 мај.
Спорт
Каталес херој – Фенербахче избори место на завршниот турнир
Кошаркарите на Фенербахче обезбедија пласман на фајналфорот во Евролигата, тие го победија Монако во мајсторката од четвртфиналната, по едно продолжение со 80:79. Во регуларниот дел натпреварот заврши 70:70.
Фенербахче и первата екипа во историјата на Евролигата која успеала да го добие петтиот меч на гостински терен. Претходните 19 мајсторки завршувале со победи на домаќините.
Натпреварот во Монако беше исклучително израмнет и драматичен. Во регуларниот дел Вилбекин погоди тројка на влез во последната минута и му донесе на Фенер предност од четири поени, одговори Окобо со четири коша, но истиот играч не успеа со звукот на победа да погоди тројка за победа.
Во продолженијата херој на фенербахче стана Ник Калатес. Гркот кој погоди две тројки, втората на 18 секунди до крајот с која му донесе победа на Феенрбахче.
Калатес и Вилбекин беа најефикасни кај фенербахче со по 14 поени, Биберовиќ постигна 13, а Гудуриќ 10. Кај Монако најефикасен беше Мајк Џејмс со 20 поени, Мотејунас забележа 16 поени и седум скока, а Окоо постигна 15 поени.
Фенербахче во полуфиналето на завршниот турнир во Берлин, на 24.мај ќе игра против Панатинаикос.