Спорт
Леброн се врати, Лејкерс победија, Фили им зедоа мерка на шампионите (Видео)



Леброн Џејмс се врати по повредата и ги предводеше Лејкерс до победата над градскиот ривал Клиперс. Леброн беше на асистенција до трипл-дабл во триумфот 123:120. Актуелните шампиони Голден стејт Вориорс ја прекинаа низата од 11 победи. Филадлефија победи во Оукленд 113:104.
Дербито на Лос Анџелес им припадна на Лејкерс, во чии редови по паузата од 40 дена се врати Леброн Џејмс. Најдобриот играч на оваа франшиза мечот го заврши со 24 поени, 14 скока и 9 асистенции. Добра меч одигра и Ленс Стивенсон кој постигна 20 поени. Кај Клиперс се истакна Лу Вилијамс со 24 поени.
Ол Стар играчите на Филалдлефија, Бен Симонс и Џоел Ембид, ставија крај на серијата од 11 победи во која се наоѓаа Голден стејт Вориорс.
Симонс и Ембид постигнаа по 26 поени, а камерунскиот центар додаде и 20 скока. На спротивната страна блескаше Стеф Кари со 41 поен. Кари погоди десет тројки од 18 обиди. Кари во редовите на Вориорс најдобро го пратеше Кевин Дурент стрелец на 25 поени.
На Истокот, дерби мечот се одигра во Торонто каде домашните Репторс беа поразени од Милвоки Бакс.
Јанис Адетокумбо постигна 19 поени за Бакс во победата 105:92. Најефикасен играч на Торонто беше Паскал Сиакам со 28 поени.
Далас Маверикс, без Лука Дончиќ, беа поразени во Детроит од Пистонс 93:89, Орландо Меџик славеа во дуелот со Индијана Пејсерс 107:100, а Сан Антонио Спарс ги победија Бруклин Нетс 117:114.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Таткото на Белингем се карал со директорот на Борусија откако неговиот син бил заменет на полувремето

Борусија Дортмунд одлучи да ги заостри протоколите во соблекувалната и им забрани на сите членови на семејствата на фудбалерите влез во таа зона. Клубот се реши на ваков чекор, по инцидентот што го направија родителите на Џоб Белингам во саботата.
Дортмунд имаше предност во дуелот со Сент Паули од 3:1 во 85-та минута од натпреварот, но не успеа да победи. Дуелот заврши со резултат 3:3.
Тензијата по натпреварот, само ја зголемија родителите на Џобе Белингам, Марк и Дениз, кои биле незадоволни откако го видоа својот син како останува во соблекувалната на полувремето.
Тие го чекале во тунелот по завршувањето на натпреварот раководството на Дортмунд за да се соочат со нив. Според новинарите на „Скај Спортс Германија“, Марк Белингам прво имал емотивен разговор со спортскиот директор на Дортмунд, Себастијан Кел.
Тој ја изрази својата фрустрација од од одлуката на тренерот неговиот син да остане во сблекувалната по првите 45 минути. Но, според овој извор, си зел за право да ги критикува играчите на тимот за кој игра неговиот син.
„Билд“, објави дека Марк Белингам побарал итен состанок со тренерот Нико Ковач.
Џоб Белингам е помалдиот брат на играчот на Реал, Џуд. Тој пристигна во Дортмунд од Сандерленд ова лето за 32 милиони фунти.
Фото/ Принтскрин
Спорт
Тотенхем тргна по потписот на Инкапие, Арсенал би можел да му го украде
Арсенал е подготвен да му зададе уште еден тежок удар на Тотенхем. Во финишот на преодниот рок Арсенал се распрашува за Пјеро Инкапие. Еквадорецот кој може даигра како лев бек, но и како лев стопер е на радорот на Тотенхем.
Тотенхем се обидува да се засили во финишот на преодниот рок. Мета им е Инкапие, клубот е подготвен да ја активира откупната клаузула во неговиот договор од 60 милиони евра.
„Скај Спортс“, тврди дека за Еквадорецот постои интерес и кај Арсенал, бидејќи во клубот работата на трансферите на неколку играчи од одбраната (Зинченко, Виеира, Нелсон).
Минатата недела, Арсенал го „украде“ Ечебери Езе од Кристал Палас, со кого Тотенхем веќе имаше постигнато договор.
Инкапие има уште четири години од договорот со Баер, а германскиот клуб сака да го задржи. Но, „Скај Спорт Германија“ пишува дека 22-годишниот Еквадорец одлучил да го напушти Леверкузен.
Инкапие е уште еден играч од најславната генерација на клубот од Леверкузен кој ова лето сака да замине. Претходно Баер го напуштија голманот Храдецки, капитенот Тах, Вирц, Џака, Фримпонг, Адли.
Спорт
Сака ќе го пропушти, а Едегор под знак прашалник за дербито со Ливерпул

Крилниот напаѓач на Англија, Букајо Сака, ќе го пропушти натпреварот на Арсенал од Премиер лигата против Ливерпул во недела и квалификациските натпревари на Англија за Светското првенство против Андора и Србија следниот месец поради повреда.
Сака ја повреди тетивата во саботата, во победата на домашен терен против Лидс Јунајтед (5:0). Првите проценки се дека крилниот напаѓач нема да може да игра до четири недели, објавува Би-би-си. Англискиот репрезентативец пропушти три и пол месеци од минатата сезона по операција на десната тетива.
Капитенот на Арсенал, Мартин Едегор, е исто така под знак прашалник за натпреварот на „Енфилд“ поради повреда на рамото заработена во победата против Лидс. Едегор изгледаше во болка кога беше заменет во првото полувреме, поради повреда на рамото.
Foto/ EPA/ADAM VAUGHAN