Спорт
Вардар не е меѓу фаворитите за пласман на Ф4



Најдобриот европски клупски ракомет се враќа на терените по паузата што беше направена поради Светското првенство во ракомет. Единаесеттото коло ќе го отворат Рајн Некар и Вардар, натпреварот во Мајнхајм ќе започне во 19 часот.
Пред стартот на вториот дел од сезоната, луѓето од Европската ракометна федерација (ЕХФ), на официјалната страница на Лигата на шампионите, направија анализа во која се занимаваат со шансите на тимовите за пласман на завршниот турнир во Келн.
Вардар, во оваа анализа, го нема меѓу најдобрата четворка.
„Вардар 2018 година ја заврши пред екипите кои се во трката за второто место во А-групата. За да остане таму ќе мора да биде во топ форма. Рожерио Мораеш нема да игра и тоа е единственото отсуство во скопскиот тим кој ќе се обиде да ја најде брилијантната форма од почетокот на сезоната“, пишува во анализата.
Инаку, вечерва против Рајн Некар покрај Мораеш, во тимот ќе го нема и Вуко Борозан. Црногорецот исто така се рехабилитира од повредата.
Вардар последните две години играше на завршниот турнир, во 2017 црвено-црните ја освоија титулата, а на лани завршија на четвртото место. Црвено-црните се на петтото место во оваа анализа.
Според ЕХФ најголеми фаворит за пласман на завршниот турнир се лидерите во групите Пари Сен Жермен и Барселона. Овие две екипи по одиграни десет натпревари имаат по девет победи и еден пораз.
Зад ПСЖ и Барселона се унгарскиот шампион Пик Сегед и вечерашниот противник на Вардар, Рајн Некар.
Зад Вардар, ЕХФ ги рангираше Веспрем, Фленсбург, ППД Загреб, Кјелце и Нант.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гонзало Гарсија е новиот тренер на Хајдук

Гонзало Гарсија официјално го презеде Хајдук, потврди клубот. На клупата на третопласираниот тим од неодамна завршената сезона во Хрватска тој го наследи Гатузо.
Трансферот на тренерот беше потврден откако сплитскиот клуб постигна договор со Истра 1961, која претходно ја водеше Гарсија. Договорот е потпишан до летото 2028 година, а новиот тренер официјално ќе и биде претставен на јавноста следната недела, пред почетокот на подготовките на клубот за новата сезона.
Гарсија со Истра 1961 сезоната ја заврши на шестото место. Во 18 натпревари од вториот дел од сезоната, тој загуби само три пати, а покрај тоа, имаше седум победи и осум нерешени резултати.
Спорт
Хамилтон: Васер е личноста што ќе го однесе Ферари до врвот

Ферари и Луис Хамилтон не импресионираа во првиот дел од сезоната. Многу се зборува за водството на италијанскиот тим, лошите тактики, стратегиите… Сепак, Хамилтон тврди дека првиот човек Фредерик Васер е вистинската личност на вистинското место.
Луис Хамилтон моментално е шести во генералниот пласман, позиција пред него е тимскиот колега Шарл Леклер. Нивните резултати во овој дел од сезоната му овозможија на тимот да биде втор во шампионатот на конструктори. Иако со речиси 200 поени помалку од лидерот Мекларен.
Под притисок поради резултатоте во рпвите девет трки за наоѓа шефот на тимот Фредерик Васер.
„Заедно сме во ова. Работиме напорно зад сцената. Работите не се совршени, но јас сум тука да работам со тимот, а секако и со Фред. Го сакам Фред тука. Верувам дека тој е личноста што ќе нè однесе на врвот“ рече Хамилтон.
„Многу луѓе немаат поим што се случува зад сцената. Ова прашање не е на дневен ред и сигурно не би било нешто што би го поддржал“.
Ферари ќе има можност да направи нов пробив овој викенд, кога на програмата е Големата награда на Канада.
Спорт
Трансферот на Зинченко зависи од Тео Ернандез

Играчот на Арсенал, Олександр Зинченко, е заинтересиран за трансфер во Милан, објавија италијанските медиуми.
Трансферот зависи од Тео Ернандез, кој се подготвува да замине од „Сан Сиро“. Милан преговара со Атлетико за трансферот на Тео, бидејќи фудбалерот изразил желба да се врати во клубот од чија академија потекнува.
Кога овој трансфер ќе биде завршен, Зинченко ќе може да го напушти Арсенал. Украинецот бара нов клуб бидејќи минатата сезона немаше никаква улога кај Микел Артета.