Спорт
Дончиќ го среди Портланд, Лејкерс немоќен во Филаделфија (видео)
Кошаркарите на Филалделфија забележаа победа над ЛА Лејкерс 143:120, Лука Дончиќ го предводеше Далс Маверикс до минималната победа над Портланд Трејлблејзерс 102:101, а Голден стејт Вориорс успеа да слави над Мајами хит иако во еден период имаше минус од 19 поени.
Дуелот во Филалделфија мина во знакот на Џоел Ембид и Кајл Кузма. Ембид со 37 поени и 14 скока беше најефикасен кај Филалделфија, во чии редови уште се истакнаа Тобајас Херис со 22 и Џеј Џеј Редик со 21 поен.
На спротивната страна блескаше Кузма со 39 поени, Леброн Џејмс застана на 18 поени, 10 скока и 9 асистенции.
Далас Маверикс во драматичен меч го совлада Портланд 102:101. Лука Дончиќ 13 од своите 28 поени постигна во последниот период, кој Далас го доби 24:9. Демијан Лилард за Портланд постигна 30 поени, а Јусуф Нуркиќ оствари дабл-дабл од 18 поени и 10 скока.
Актуелниот шампион, Голден стејт Вориорс, имаше негатива во првата четвртина 7:26 во дуелот со Мајами хит, но на крајот победи 120:118. Демаркус Казинс на 5,4 секунди до крајот реализира две слободни фрлања.
Кевин Дурент постигна 39 поени, десет повеќе од Клеј Томпсон, а Стеф кари запиша 25 коша.
Џош Ричардсон, со рекордни во кариерата 37 поени, беше најефикасен играч на Мајами.
Орландо Меџик беше убедлив против Атланта Хокс 124:108. Никола Вучевиќ забележа 19 поени и 12 скока, поен помалку постигна Теренс Рос.
Сакраменто Кингс очекувано го совлада Феникс Санс 117:104. Марвин Бигли забележа 32 поена, а српските репрезентативци Богдан Богдановиќ и Немања Бјелица реализираа 14, односно 10 поени.
Девин Букер за Финикс постигна 27 поени. Играчите на Финикс го забележаа 14. пораз во низа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.