Европа
Кај политичар најдени 550 кг динамит во Шведска
Локален политичар на Шведските демократи кои се залагаат за анти имиграција, си поднесе оставка во партијата, откако беше поврзан со случајот во кој беа понајдени 550 кг динамит во Халанд, јавија шведските медиуми во среда.
Полицијата во западна Шведска уапси двајца во вторник, во чии автомобил и куќа во Фалкенберг, на сто километри јужно од Гетеборг, беа најдени потенцијално смртоносни експлозиви.Двајца мажи на 30 и 41-годишна возраст се под сомнение дека поседувале со закон забранети запалливи и експлозивни средства.Според полицијата и 71-годишна жена и 33 –годишен маж биле испрашувани во врска со случајот.Кристијан Крапедал, портпарол на Шведските демократи за агенцијата ТТ потврдил дека еден од уапсените бил советник на партијата Шведски демократи за анти имиграција во регионот Халанд.Весникот Hallands Nyheter извести дека шефот на Шведските демократи на локалниот огранок на партијата потврдил дека политичарот вмешан во случајот побарал да ја напушти партијата. Се шпекулира и дека еден од уапсените е познат поддржувач на десничарските групи и нацистичката пропаганда, но за тоа нема потврда ниту од полицијата. „550 килограми динамит… тоа е многу и е многу необично откритие“, вели началникот на полицијата. „Најпрво најдовме 150 килограми во куќата. Потоа не упатија кон автомобилот каде најдовме уште експлозив, а во друг објект најдовме уште 350 килограми“.Осомничените не се именувани во медиумите, но адвокатот на 41-годишниот приведен вели дека неговиот клиент го набавил динамитот преку врски од работа, но дека не планирал никаков криминален акт.Адвокатот на помладиот осомничен вели дека неговиот клиент динамитот го набавил од негов постар пријател. Фалкенберг е град на западниот брег на Шведска, на 100 км јужно од Гетеборг и има околу 20.000 жители./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.