Шпанската полиција го уапсила еден од најбараните колумбиски криминалци додека се возел по источниот шпански брег, објави полицијата во саботата.

Хернан Алонсо Вила, позната по прекарот „Ел Ратон“ односно глушец, водел меѓународна група од 200 криумчари на дрога која е осомничена за вкупно 400 убиства. Се верува, исто така, дека 40-годишниот Вила го координирал извозот на дрогата во Шпанија, сАД и во Холандија.Вила во петокот се возел покрај брегот во покраината Аликанте каде што го пресретнала полицијата. Во Колумбија е баран поради обвинувања за убиства, како и незаконско производство дроги и поседување оружје.Во моментот на апсењето имал кај себе 40 илјади евра, за кои полицијата се сомнева дека потекнуваат од криумчарње дрога или договорено убиство. Според полицијата, Вила бил многу претпазлив во текот на овој престој во Шпанија, служејќи се со лажни идентитети и често ги менувал местата на престојување.Неговата криминална мрежа се состоела од припадници на паравоени единици, кои се распуштени меѓу 2003 и 2006 година. Шпанската полиција на почетокот од јули уапси 30 лица за кои се верува дека се припадници на италијанскиот огранок на мрежата којашто е одговорна за увоз на дроги од Колумбија во Европа./крај/мф/сн

Извор: DPA