Eпидемијата на непотизам на власта има уште едно жариште, и тоа денес ќе објавиме за Кочани. Практично со оваа епидемија на непотизам од страна на СДСМ е заразена целата држава, порача портпаролот на ВМРО-ДПМНЕ, Димче Арсовски.

„Лажниот морал и целото лицемерие на власта исплива на површина по само две години од владеењето на СДСМ. Мира Дизел, методот на вработување во СДСМ е правило на работа, а не случајност. Роднините на функционерите на СДСМ се вработуваат под државна капа, на трошок на граѓаните претворајќи ја државната администрација во партиско семејна фирма од каде што сите цицаат дебели хонорари“, рече Арсовки.

Еден од многуте примери за оваа епидемија во Кочани, додава Арсовски, е кој друг ако не повторно пратеник од редовите на СДСМ од Кочани, и тоа Сашко Костов. Според кои критериуми, праша Арсовски, токму сопругата на Костов се вработила во детската градинка „Павлина Велјанова“?

Втор случај, како што кажа портпаролот на ВМРО-ДПМНЕ, е претседателот на Советот на општина Кочани, Томе Солевски, чија сопруга се вработила во Државното претпријатие за стопанисување со станбен и деловен простор.

„Трет сомнителен случај е поранешниот пратеник на СДСМ од Кочани, Миле Андонов, чиј син се вработил во УЈП во Кочани. Нема ли други граѓани во Кочани кои исполнуваат услови за вработувања во оваа институција со натпросечни примања, па морало синот на бившиот пратеник да биде избран за ова работно место?
Има уште огромен број други случаи каде што функционери од власта во Кочани исто така се заразени со епидемијата на непотизам.

Дали е точно дека и мајката на советникот во Кочани од редовите на СДСМ Ѓорѓи Алексов се вработила во детската градинка „Павлина Велјанова“?

Дали не е случај на класична злоупотреба вработувањето на советничката во Советот, Гордана Антова, во Средното општинско училиште „Ѓошо Викентиев“, училиште кое е директно под ингеренции на општината во чиј совет членува и таа истата?

Дали не е лицемерие СДСМ да говори за морал, а советничката на СДСМ во Советот на општина Кочани, Емилија Серафимова, да се вработи токму во Центарот за јавно здравје, а уште и нејзината мајка да се вработи во МВР во Кочани?

Почитувани ова е сè само не е морал што се обидува да го шири СДСМ. Принципот на СДСМ ако пројде-пројде соочен со критиките на јавноста сега лажно се морализира. Прашањето е дали е морал секој функционер на СДСМ да си вработи некој близок во државна институција, а не дали имаат лажен морал кој сега на јавноста им го продаваат како  висок чин на етичност, истакна Арсовски.