Европа
Кремљ: Во Донбас се бореле само руски доброволци
Во борбите меѓу силите на прозападните власти во Киев и милициите на рускојазичното население во источна украинска област Донбас можеле да учествуваат само доброволци од Русија, и секакви други интерпретации за наводна вмешаност на Русија и присуство на руски војници во украински конфликт не се точни, изјави во петокот на прес-конференција портпарол на Кремљ, Дмитриј Песков, коментирајќи ги медиумските извештаи во врска со изјавите на претседателот Владимир Путин на редовната голема прес-конференција во четвртокот на која меѓу 1.400 акредитирани домашни и странски новинари учествуваа и десетици претставници на украинските медиуми.
„Тоа е апсолутно неточно“, одговори Песков на прашањето дали може да се каже дека во Донбас се наоѓале руски воени експерти, пренесува агенцијата ТАСС.
„Медиумите погрешно интерпретираат“, додаде портпаролот на Кремљ, коментирајќи ги претпоставките во медиумите за учество на припадници на руското воено разузнавање во конфликтот на истокот од Украина.
„Очигледно е, доколку без предрасуди ги погледнете изјавите на Путин, дека тој повеќепати зборуваше за наши државјани, за државјани на ЗНД (Заедницата на независни држави – поранешните советски републики) кои самостојно се упатиле во зоната на конфликтот, од различни професии, па и воени, кои користеле отсуство или годишен одмор, и потоа се враќале во своите земји. Се разбира дека имало такви луѓе и тие заминале таму, тоа се луѓе кои во тој период ја изразиле својата солидарност со Донбас, кои сметале дека е неприфатливо да се помират со фактот дека Вооружените сили на Украина уништуваат населени места во југоисточниот дел на Украина“, додал Песков.
„Таму имаше војна, и луѓето одеа таму да војуваат. Пукале, учествувале во борбени дејствија…“, рекол Песков потврдно одговарајќи на прецизираното прашање дали станува збор само за доброволци од Русија на украинското боиште, наспроти обвинувањата на Киев и Западот дека во воените дејствија во Донец и Луганск учествувале и регуларни руски единци, што Москва одлучно редовно го отфрла.
Песков, исто така, истакнал дека во моментов е забележана друга ситуација кога “некои луѓе паднаа во рацете на оние кои врбуваат за исламистите“. Портпаролот на Кремљ потсетил дека според сознанија на безбедносните служби, „жртви на екстремистичката индоктринација на Исламската држава“ се над 2.000 руски државјани, кои се во терористичките редови.
Во четвртокот рускиот претседател Владимир Путин одговарајќи на новинарските прашања реле дека „никогаш не рековме дека таму (во Донбас), нема луѓе кои се од некои специфични професии, вклучително и од воената сфера, но тоа не значи дека таму имало присуство на регуларни руски војски“./крај/мф/сн
Извор: ТАСС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.