Црна хроника
Референт украл пари од продажба на гробни места во Охрид
Референт во ЈП „Градски гробишта“ – Охрид украл 92.000 денари од продажба на гробни места со фалсификување на потписот на директорот и сторнирани фискални сметки, соопшти Министерството за внатрешни работи.
На 26-ти јуни, во ЈП „Градски гробишта’ дошло лице кое сакало да куи две гробни места. Референтот за наплата и доделување на гробни места Н.С. (55) му рекол дека е потребно време за да изготвување на договорите за купопродажба кои лично ќе му ги однесе заедно со фискалните сметки.
Притоа, истиот изготвил две фискални сметки во износ од 92.000 денари, кои ги сторнирал, а договорите не ги дал за книжење во сметководство туку ги уништил. На оштетениот му дал два фалсификувани договори со фалсификуван потпис на директорот на јавното претпријатие со што присвоил 92.000 денари.
СВР Охрид против Н.С. поднесе кривична пријава за сторени кривични дела „проневера во службата“ и „фалсификување или уништување деловни книги“.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.