Синоќа во 20.20 часот во ОВР Кавадарци, Д.С.(58) од Ваташа, Кавадарци пријавила дека истиот ден околу 17.15 часот на ул. „Диме Чекоров“ во нејзиниот двор од семејна куќа, по претходна расправија била физички нападната со дрвен предмет од нејзините соседи Б.П. и неговата сопруга Б.П. која и упатувала навреди и закани. Од нападот таа се здобила со повреди. Се преземаат мерки за расчистување на случајот, соопшти полицијата.

Вчера околу 15,30 часот на локалниот пат с.Брњарци-с.Стајковци, скопско се случила сообраќајна незгода помеѓу возило „ауди А4“ со скопски регистарски ознаки управувано од 17 -годишен малолетник од селото Арачиново и „опел астра“ со скопски регистарски ознаки управувано од М.Т.(20) од Скопје.

Во незгодата со тешки телесни повреди се здобила сопатничката М.Ј. во „аудито“, која со возило на итна медицинска помош била пренесена во Комплекс клиники „Мајка Тереза“ за укажување на лекарска помош. Увид на местото на настанот извршила екипа од СВР Скопје.

МВР соопшти детали околку вчерашниот несреќен случај кога 49-годишен маж се удави во водите на Охридското Езеро. Според полицијата, во 14,20 часот во СВР Охрид било пријавено дека на ул.„Кеј Македонија“ во Охрид од водите на Охридското Езеро било извлечено безживотно тело на С.Ј.(49) од Охрид. Од екипа од итна медицинска помош бил извршен преглед и реанимација на давеникот по што била констатирана смрт. За настанот е известен јавен обвинител.

„На местото на настанот увид извршила  екипа од СВР Охрид при што било констатирано дека С.Ј кој бил под дејство на алкохол и околу 14,00 часот заедно со уште три лица влегол во водите на Охридското Езеро, но по кратко време лицата забележале дека С.Ј. не излегол од вода по што го пронашле и го извлекле од вода. По наредба на јавен обвинител телото на починатиот е предадено за обдукција“, соопшти МВР.