Надворешна политика
Почеток на Генералната дебата на седумдесетото заседание на Генералното собрание на ОН
Генералната дебата на јубилејното седумдесетто заседание на Генералното собрание на Обединетите нации (ОН), на кое учествуваа премиерот Никола Груевски и министерот Никола Попоски, започна во понделникот попладне во Њујорк.
Претходниот ден, претседателот на Владата, Никола Груевски се обрати на Самитот за Одржлив развој, на кој беа усвоени новите глобални развојни цели.
Министерот Попоски ја претставуваше Република Македонија на Самитот посветен на мировни операции на ОН. На овој самит, десетте најголеми донатори кон мировни операции ги претставија своите приоритети за оваа важна гранка на Обединетите нации.
Македонија ќе даде свој придонес кон колективната безбедност и во иднина, како поддршка за светскиот мир и ограничување на ефектите од конфликти. Воедно ваквиот ангажман е аргумент повеќе за македонското идно членство во евроатлантските структури.
Министерот Попоски учествуваше на Манифестацијата на Франкофонијата на високо ниво за одржлив развој која ја организираше генералниот секретар на Франкофонијата, г Микаел Жан, насловена “Целта на 2030: Поттик на Франкофонијата за успех на програмата за развој по 2015 година.”
На маргините на Генералното собрание, Министерот Попоски се сретна со Мауро Виеира, министер за надворешни работи на Федеративна Република Бразил. На средбата беше разговарано за унапредување и продлабочување на билатералните односи, со посебен акцент на економската соработка, образование и иницијативите за реформи во ОН. Беше изразено задоволство од соработката со Бразил на мултилатерален план и нагласен интерес за понатамошен развој.
Македонскиот Министер за надворешни работи се сретна и со Министерот за надворешни работи на Република Бугарија Даниел Митов. На средбата, која беше одржана во пријателска и конструктивна атмосфера, беше разговарано за можностите за соработка меѓу двете соседни земји, при што акцент беше ставен на приоритетните проекти на патно и железничко поврзување, како и за преземање активности за отворање на граничниот премин Клепало. Од бугарска страна беше прифатено заложбата за овие проекти да биде пренесена во рамки на ЕУ од страна на Бугарија како земја членка.
Во контекст на јакнење на добрососедските односи, беше истакнат взаемениот интерес за што поскоро доусогласување и потпишување на Договорот за пријателство, добрососедство и соработка. На средбата беа разменети мислења и ставови за важни меѓународни прашања во фокусот на годинешното Заседание на Генералното собрание на ОН, генерално поврзани за мигрантската криза, како и за актуелните предизвици и перспективи за унапредување на соработката на регионален план, вклучително во рамките на постојните регионални иницијативи и процеси како ЦЕИ и ПСЈИЕ, со кои тековно претседаваат Република Македонија и Република Бугарија.
Министерот Попоски се сретна и со Министерот за надворешни работи на Ангола, Георгес Ребело Чикоти. На средбата беа разменети мислења за изнаоѓање нови сфери на заеднички интерес за интензивирање на соработката и одржување на политичкиот дијалог помеѓу двете земји. Акцент на разговорот беше ставен на потребата за изнаоѓање модалитети за воспоставување соработка на економски план. Двајцата министри се согласија дека е потребно воспоставување на правна рамка преку потпишување на неколку билатерални спогодби меѓу двете земји со што би се постигнала поголема соработка. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.