Заедничкиот кандидат за претседател Стево Пендаровски на граѓанската трибина со жителите на Бутел истакна дека оваа општина со децении е пример за тоа како треба да функционира концептот едно општество за сите и заедништвото помеѓу граѓаните од различните етнички заедници.

„Овде, во оваа општина, го минав најголемиот дел од животот со луѓе од сите етнички заедници. Мојот слоган е Заедно напред, тоа значи обединување, а не делби. Едно општеттво за сите е концептот што почнавме да го реализираме од 2016 година. Јас ќе бидам претседател на сите граѓани и нема да делам по верска, национална или политичка припадност“, рече Пендаровски.

Кандидатот за претседател нагласи дека оваа генерација политичари се зафатила и ги решава најтешките прашања. Тоа доведе до покана за членство во НАТО и во јуни да добиеме датум за почеток на преговорите со ЕУ.

Со ова, рече Пендаровски, нашите политички претставници рамноправно ќе учествуваат во решавање на светските прашања, ниедно прашање за Македонија, нема да се решава без Македонија. Тоа ќе значи отворање на европските фондови, повеќе инвестиции, нови работни места и повисок стандард за сите граѓани.

По Бутел, Пендаровски попладнево ќе учествува на граѓански трибини во скопските општини Шуто Оризари и Ѓорче Петров.

Без проблеми и непрекинато се одвива гласањето на гласачкото место 2901 во општина Чаир каде што се прегласува вториот круг од локалните избори.

Како што соопшти портпаролката на ДИК, Љупка Гучевска до 13 часот од вкупно запишаните 719 избирачи гласале вкупно 150, што претставува 20,86 отсто.

Таа потсети дека запишаните избирачи од Избирачкото место 2901 и денеска имаат можност дококлу е повредено нивното избирачко право да достават приговор до ДИК во рок од 24 часа и соопшти дека до сега до ДИК не е доставен ниту еден ваков приговор.

До 10 часот на гласање излегле 4,45 отсто од запишаните гласачи или 32 лица во гласачкото место 2901 во општина Чаир, каде денеска се прегласува за градоначалник, соопшти Државната изборна комисија.

Според портпаролката на ДИК, Љупка Гучевска, гласањето започнало навреме и се одвива непрекинато.

Таа потсети дека запишаните избирачи од Избирачкото место 2901 и денеска имаат можност дококлу е повредено нивното избирачко право да достават приговор до ДИК во рок од 24 часа и соопшти дека до сега до ДИК не е доставен ниту еден ваков приговор.