Европа
Шпанските социјалисти го повикаа Рахој да состави влада или да отстапи, го обвинија Подемос за уцена
Шпанската Социјалистичка партија (PSOE) во саботата ја повика победничката на декемвриски парламентарни избори конзервативна Народна партија (PP) да се обиде да ја формира владата или да се откаже, а самата одби да преговара со радикалната левица Podemos која ја обвини за уценување.
Народната партија на премиерот на заминување на Маријано Рахој победи на изборите на 20-ти декември, поединечно доби најмногу гласови, но не успеа да го освои апсолутното мнозинство, поради што е принудена да преговара во обидите да формира коалиција со другите партии. Рахој во петокот изненади со изјавата дека засега не е во позиција да бара гласање за доверба во парламентот, бидејќи нема потпора од другите партии, иако повторно истакна дека и натаму е кандидат за мандатар на идната влада.
„Сметаме дека Рахој има обврска…, да истапи како кандидат за премиер или засекогаш да се откаже од правото на тоа“, објави PSOE на својата интернет страница, пренесува Reuters,
Досегашниот шпански премиер претходно во саботата уште еднаш оцени дека Народната партија, социјалистите и партијата Граѓани (Ciudadanos) и натаму е „најразборитата можност“.
Во соопштението во саботата PSOE ја критикуваше партијата Podemos (Можеме – инспирирана од грчката владејачка коалиција на радикалната левица Сириза којашто произлезе од движењето 15М или Индигнадос), односно нејзиниот челник Пабло Иглесиас кој во петокот изненади со предлогот за формирање влада со социјалистите и еко-комунистите Обединетата левица (Izquierda unida), но за тоа постави низа услови.
Партијата на социјалистите, коишто ги води Педро Санчез, одговори дека засега нема да ги започне преговорите „а уште помалку кога преговорите се условуваат со уцена“. Партијата повтори, меѓутоа, дека ќе го „зачува дијалогот“ со сите политички сили за да ја „процени ситуацијата“, пишува AFP.
И шпанскиот левичарски дневен весник El Pais напиша во петокот во воведникот дека Иглесиас „поставува замка“ за социјалистите и дека неговата понуда претставува „голема отровна бонбона“.
Аналитичарот Хозе Игнасио Торебланка оценува дека целта на Подемос не е „да владее со PSOE како што се случи во Португалија, туку сака да ја уништи и да ја замени (социјалистичката партија), како што во Грција направи Сириза истиснувајќи го Пасок“, досега традиционалната партија на грчките социјалисти.
PSOE инаку изминатите повеќе од три децении, по воведувањето на демократијата во Шпанија, се менуваше на власт со Народната партија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Полските земјоделци повеќе нема да ја блокираат границата со Украина
Полските фармери го откажаа протестот на последниот блокиран граничен премин со Украина, објавија Киев и Варшава, ставајќи крај на повеќемесечната криза која ги наруши билатералните односи меѓу двете земји.
Украинскиот министер за земјоделство ја поздрави „конструктивната работа“ на Полска за укинување на блокадата, наведувајќи во соопштението дека преговорите со Варшава и индустриските здруженија не биле лесни, но „главната работа е што резултатот е постигнат“.
„За среќа, сите правци на границата со Полска се деблокирани“, изјави портпаролот на украинската гранична полиција Андриј Демченко, додавајќи дека полските фармери го ослободиле пристапот до преминот Рава-Руска.
Камиони утринава почнаа да ја минуваат границата во двата правци, рече тој.
Портпаролот на полската гранична полиција Анджеј Јузвијак изјави за Ројтерс дека Украина може да се премине „непречено“ на сите премини.
Полските земјоделци и камионџии ги блокираа граничните премини со Украина од крајот на есента минатата година во знак на протест против нелојалната конкуренција.
Како главна причина тие ја наведоа пасивноста на владата кон губење на работни места поради странските конкуренти од почетокот на војната во Украина, бидејќи камионџиите од Украина беа ослободени од обврската да имаат дозвола за преминување на полската граница.
Европа
Шпанскиот премиер останува на функцијата, нема да поднесе оставка
Шпанскиот премиер Педро Санчез денеска одлучи да остане на функцијата што ја извршува од летото 2018 година, иако претходно овој месец судија во Мадрид отвори истрага против неговата сопруга за можна корупција.
„Решив да продолжам, со уште посилна сила на чело на владата“, рече Санчез во говорот од владината зграда.
Санчез, лидер на шпанската социјалистичка работничка партија (ПСОЕ), во средата ги суспендираше сите должности за да „размисли“ пет дена дали вреди да остане на функцијата поради „лажни обвинувања“ и „напади врз неговата сопруга“.
Европа
Путин ги откажа парадите на 9 мај: „Стравот од украински напад е посилен од традицијата“
Рускиот претседател Владимир Путин беше принуден да ја откаже годишната руска триумфална парада на Денот на победата на 9 мај поради страв од напади со беспилотни летала со украински камикази, пишува „Сан“, додека руските медиуми јавуваат дека маршот на Бесмртниот полк и другите настани планирани за тој ден се намалени на многу поскромно ниво „од безбедносни причини“.
Путин наводно ги откажал повеќето од прославите на 9 мај – најсветиот ден во рускиот календар – затоа што не можел да ја гарантира безбедноста на своите граѓани.
Патриотски воени паради се одржуваат низ Русија како начин на славење на победата над нацистичка Германија во Втората светска војна.
Вообичаено, овие настани се користат за Путин да ја покаже моќта на руската воена машина и да генерира национална гордост – водејќи огромна парада на Црвениот плоштад во Москва.
Овој дел ќе се одржи под зголемено обезбедување – под надзор на Путин – но многу од воените паради во регионот се откажани заедно со придружниот огномет.
Областите на Белгород, Брјанск, Псков, Рјазан, Курск и Саратов ги откажаа своите настани, иако не се сите блиску до Украина.
Денот на победата беше откажан и во окупираните региони на Украина, вклучувајќи ги Запорожје и Севастопол на Крим, исто така поради „безбедносни причини“.
Пред руската инвазија на Украина, денот вклучуваше тенкови, нуклеарни проектили и друго масивно оружје што минуваше низ главниот град додека авионите летаа на небото.
Низ Русија, стотици маршеви на Бесмртниот полк – каде луѓето носат фотографии од нивните воени ветерани – исто така се откажани поради безбедносни причини.
Еден од стравувањата е дека овие настани би можеле да бидат преземени од антивоени демонстранти.
Огнометот беше откажан во некои други региони, како што е Сиктивкар, а откажани се концерти во Воронеж.
Во Ростов и Воронеж некои паради се откажани, додека други може да се одржат без публика.
Се очекуваат повеќе откажувања.
Минатата година, Денот на победата беше откажан ширум Русија со намален настан во Москва, каде речиси и да немаше изложена тешка воена опрема.
По две години војна во Украина, кружеа гласини дека парадите се откажани поради недостиг на тенкови за учество на парадите.
Дури и тогаш, локалните гувернери наведоа „безбедносни причини“.