Европа
Новогодишните напади во Германија пораширени од објавеното
Според соопштенијата на германската полиција нападите слични на оние какви што во новогодишната ноќ се случија во Келн, на западот од Германија, биле значително пораширени отколку што првично беше објавено и се случиле во дванаесет од шеснаесетте сојузни земји, пишуваат во саботата германските медиуми.
Во дванаесет германски сојузни земји регистрирано е сексуално насилство поврзано со кражби во ноќта на 31-ви декември, истакнуваат дневниот весник Sueddeutsche Zeitung и локалните телевизиски мрежи NDR и WDR, пренесувајќи го извештајот на германската правосудна полиција BKA. Од таму, пак, до саботата доцна вечерта не одговориле на барањето за коментар од агенцијата AFP.
Досега вниманието на јавноста и истрагата беше насочено на Келн, епицентарот на ваквото насилство во кое учествувале околу илјада главно имигранти од северноафриканските земји, каде што се поднесени огромен број кривични пријави досега, и значително помалото на Хамбург, каде се поднесени повеќе од 200 кривични пријави, а по десетици случаи се пријавени и во Берлин, Диселдорф и Франкфурт.
„Феноменот на сексуалното насилство коешто делумно било поврзано со кражби, е поголем отколку што досега беше познато“, пишува Sueddeutsche Zeitung во своето интернет издание.
Најлошо минала покраината Северна Рајна–Вестфалија, па потоа Келн, Диселдроф и Билефилд, каде се поднесени илјади пријави. Во помала мера слични случаи се пријавени и во Хесен – 31, Баварија – 27, Баден-Витенберг – 25, Бремен – 11 и Берлин – шест. Во Долна Саксонија, Баранденбург, Саксонија, Фалска-Рајна и во Сар се пријавени по еден напад.
Како и во Келн, каде што веќе се поднесени илјада пријави, нападите биле речиси без исклучок кон жените. Сведоците тврдат дека меѓу напаѓачите поголемиот број биле момчиња и мажи со странски изглед на возраст од 17 до 30 години.
Нападите во Келн, коишто полицијата ги припишува на момчиња со потекло од земјите на Магреб и други делови од арапскиот свет, ја поттикнаа во Германија дискусијата за политиката за прифаќање на имигрантите што ја спроведува канцеларката Ангела Меркел, во чијашто земја во текот на изминатата 2015 годна пристигнаа повеќе од милион баратели од азил.,Во саботата Ајдан Езогуз, комесарка за прашањата на интеграцијата на доселениците, оцени во дневниот весник Frankfurter Allgemeine Zeitung дека тие напади ја „затруле“ атмосферата во Германија. „Неколку стотици криминалци не застапуваат милион бегалци“, сепак смета./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.