Црна хроника
Десетгодишно момче загина во експлозија во БиХ, уште четири тешко ранети

Десетгодишно момченце загина, а четири се тешко повредени во експлозија на непозната направа која во неделата пред стемнување била активирана во близина на Сараево, главниот град Федерацијата Босна и Херцеговина, јавија локалните медиуми кои наведуваат дека повредените се сместени во Универзитетската клиничка болница.
Во местото Жировница во сараевската општина Хаџиќи одекнала експлозија од направа заостаната од последната војна којашто најверојатно ја активирале малолетниците на возраст меѓу 12 и 14 години, според непотврдени информации на локалните медиуми.
Според полицијата, од последиците на експлозијата веднаш починало едно дете, додека тројца 12-годишпници е еден 14-годишник се префрлени во Клиничкиот центар на Универзитетот во Сараево.
Портпаролката на болницата, Билјана Јандриќ истакнал дека две момченца се здобиле со многу тешки повреди во стомакот односно во главата.
Другите две повредени деца се упатени дан Одделот за максилофацијална хирургија, односно Клиниката за ортопедија и станува збор за тешки повреди кои не се опасни по животот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведен 19-годишник во Тетово оти предизвикал пожар

Тетовската полиција го приведе 19-годишниот С.М. од Скопје, со привремено место на живеење во Тетово, кој бил затекнат додека палел кабли.
Со тоа, како што велат од МВР, предизвикал пожар кај железничкиот надвозник на улицата Маршал Тито во Тетово.
Со интервенција од Тетовската противпожарна единица, пожарот бил изгаснат, а С.М. е задржан во полициска станица и по документирање на случајот против него ќе биде изготвен соодветен поднесок.
Црна хроника
Тешко повреден возач на тротинет во судир со автомобил

Вчера вечер во 22:30 часот во СВР Скопје е пријавено дека на бул.„Словенија“ во Скопје се случила сообраќајна несреќа помеѓу патничко возило „фолксваген пасат“ со скопски регистарски ознаки, управувано од Н.Д.(28) од с.Гумалево, скопско и електричен тротинет „шаоми“, управуван од К.М.(59) од Скопје.
Во несреќата со тешки телесни повреди се здобил возачот на тротинетот, констатирани во Градска општа болница „Св.Наум Охридски“.
Извршен е увид од увидна екипа од СВР Скопје.
Црна хроника
Уапсен вработен во Здравствениот дом – Берово, кај него пронајдена дрога

Вчера околу 22 часот на улицата „Браќа Миладинови” во Виница од страна на полициски службеници од ПС Виница во координација со ПС Берово од слобода е лишен 29-годишниот Б.Р. од Берово затоа што при преглед кај него е пронајдена марихуана и ризла.
Имено, по претходно добиени оперативни сознанија, полициските службеници сопреле возило „дачија сандеро“ со беровски регистарски ознаки, сопственост на ЈЗУ „Здравствен дом“- Берово, а управувано од Б.Р. и при преглед кај него е пронајдена дрогата, по што е известен јавен обвинител од ОЈО Кочани, кој дал насоки тој да биде лишен од слобода.
По документирање на случајот, против Б.Р. ќе биде поднесена соодветна пријава.