Домашен
Параолимпијците подготвени да се борат медал
Оливера Наковска-Бикова и Ванчо Каранфилов се Македонските претставници на претстојните параолимписки игри во Рио. Тие, во петокот, заедно со тренерот Бранислав Јовановски и другите сопатници за Рио го најавија учеството на Параолимписките игри, надевајќи се на повторување на успехот од изминатите континентални натпревари.
„Изминатите параолимписки циклуси и резултатите на нашите спортисти ми даваат за право да очекувам нови одлични резултати, а зошто да не и медали, иако не сакам да наметнуваме императиви од таков вид, што ќе им претставува дополпнителен товар и притисок на спортистите. Агенцијата за млади и спорт во континуитет дава поддршка на Федерацијата за спорт и рекреација на инвалидизирани лица, а нашите спортисти ни возвраќаат со одлични настапи и медали од големите натпреварувања“, рече првиот човек на АМС, Марјан Спасески.
Спортското стрелаштво е еден од најтрофејните спортови во Македонија, особено во делот на параолимпизмот (злато на Бранимир Јовановски во 1992 година на ОИ во Барселона, сребро на Ванчо Каранфилов во 2004 на ОИ во Атина и златото со светски рекорд на Оливера Наковска-Бикова во 2012 година на ОИ во Лондон).
„На овие параолимписки игри ќе се потрудам најдобро што можам да го сработам она што најдобро го знам и да се пласирам во финалето. Напорно работевме и се надевам дека таа напорна работа ќе вроди со плод“, рече на прес конференцијата „златната“ од Лондон Оливера Наковска-Бикова, за која Игрите во Рио ќе бидат четврти во нејзината кариера.
„Вообичаено се поставува прашањето: „Што ние очекуваме од параолимпијадата?“ Јас ќе употребам една изјава од сите наши претходни олимпијци: „Да го направам својот најдобар резултат“. Би сакал да го направам еден од моите подобри резултат, доколку тоа успеам да го остварам тогаш ќе се пласирам во финалето, а таму е се можно. Во секој случај јас и колешката Оливера подготвени заминуваме за Рио“, рече Ванчо Каранфилов, за кого Параолимписките игри ќе бидат петти во кариерата.
Мислењето на Наковска-Бикова и Каранфилов го дели и нивниот тренер Бранимир Јовановски, тој е убеден дека доколку влезат во финалето дека ќе можат да се борат за медал. Во овие игри тој гледа и малку симболика, како што рече во 1992 година тогаш за Барслеона заминал на 30.август исто како и сега, а дисциплината воздушен пиштол на програмата била на 9.септември кога го освои златото. Во оваа дисцплина стрелците ќе настапат на истиот ден како и Јовановски пред 24 години.
„Не смееме да дадеме изјава дека одиме во Рио за да постигнеме македонски рекорд, бидејќи тоа би бил светски рекорд. Оливера е светска рекордерка од Лондон 2012 година, Ванчо во 2004 година го има израмнето европскиот рекорд, јас во 1992 година поставив светски рекорд. Значи нашите рекорди се во рангот на светските рекорди или многу малку под тоа. Меѓутоа средните вредност на резултатите кои ги имавме во периодот на квалификациите од 2014 до денес кажуваат дека имаме сериозна шанса да влеземе во финале, во две дисциплини (воздушен пиштол и спортски пиштол). Тој влез во финале би значело дека сериозно, двајцата наши стрелци ќе се вклучат во борба за еден од медалите“, рече тренерот Бранимир Јовановски, кој во името на тимот ја искажа благодарноста до државните институции и неколкуте приватни компании кои им овозможиле во целост да ги спроведат подоготвките за Рио.
„Како никогаш досега бевме фокусирани само на подоготвките, имавме одлични услови“, рече тој.
Параолимпијците за Бразил ќе заминат на 30. август, на 2. септември ќе биде кренато македонското знаме во олимпиското село, а Параолимписките игри ќе бидат отворени на 7. септември.
Настапите на нашите стрелци се закажани за 9. септември (воздушен пиштол 10м), два дена подоцна ќе се одржи дисциплината спортски пиштол-25м. Последниот настап стрелците ќе го имаат на 14. септември, кога ќе се одржи дисциплината малокалибарски пиштол-50 метри./крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.