Европа
Путин: „Притаена исламизација“ и „шлаканица за украинскиот народ“
Односот на рускиот претседател Владимир Путин кон Турција, Украина и Сирија, најмногу ги интересираше новинарите во текот на големата традиционална годишна прес-конференција на која беа акредитирани околу 1.400 новинари, кои поставија околу 500 прашања.
Русија беше подготвена да соработува со Турција, но непријателските активности на Анкара ја принудија Москва на заладување на односите, рече рускиот претседател. „Сметаме дека дејствијата на турските власти во врска со нашиот авионот кој го соборија, претставуваат непријателски акт“, додаде Владимир Путин. Особено за вознемирувачки го смета фактот што турските власти не се извинија, туку „побегнаа во Брисел“, за да ја обвинат Русија.Според Путин, руската страна во оваа сложена ситуација ја навредило и тоа што Москва никогаш не одбивала да соработува со Анкара и секогаш ги поддржувала Турците, дури и за „многу чувствителни прашања“, кои „не се вклопуваат во контекстот на меѓународното право, во одлуките кои ги предлага турската страна“.Одговарајќи на прашањето дали зад инцидентот со соборениот руски авион можеби стои некоја „трета сила“, Путин одговори дека „тоа не го знае“., но дека можеби има „некој во турската власт кој се решил да им се ‘вовлече на едно место’ на Американците“, и оти „не може со сигурност да каже дека има такво нешто“. Путин не сакаше да изнесе претпоставка дали на Американците „им било потребно тоа или не“, во контекст на уривањето на рускиот авион и навлегувањето на турските сили во соседен Ирак, на што некој требало „да ги затвори очите“. „Сепак, можам да помислам дека на некое ниво постои некаков договор или некакви консултации околу соборувањето на авионот. Не знам што мислеа. Дека ќе побегнеме? Ние не сме таква земја“, порача.Говорејќи за соработката меѓу двете земји, Путин истакна дека „турскиот народ и другите туркојазични народи се наши партнери и пријатели, како што беа и претходно“. Притоа, „со сегашното турско раководство, како што покажа практиката, тешко е да се договориме или речиси е невозможно“, рече рускиот претседател. „Дури кога велиме дека сме согласни, тие нé удираат отстрана или в грб, и тоа од апсолутно непознати причини“, појасни рускиот челник.Во врска со темата за повторното воведување на визите меѓу двете земји, Путин одговори дека за тоа лавна причина е иритираноста од „притаената исламизација“ и потребата да се осигури националната безбедност. „Забележуваме дека во Турција има милитанти коишто, на пример, потекнуваат од Северен Кавказ. Многупати зборувавме со нашите партнер, и ние не го правиме тоа во однос на Турција. Но тие сé уште се присутни таму, ги лекуваат, ги заштитуваат. Потоа го користеа безвизниот режим за да патуваат со турски пасоши насекаде“, изјави рускиот претседател.Одговарајќи на прашањето за гасоводот „Турски тек“, чиј проект беше започнат откако Москва поради недоразбирањата со ЕУ се откажа од претходниот проект „Јужен тек“, Путин истакна дека тој може да биде реализиран доколку Турција добие гаранции од Европската комисија. „Ние не ги прекинуваме преговорите, потреби ни се писмени гаранции од ЕК дека сите рути, вклучително и правецот низ Турција, во Европа не само што ќе се реализираат, туку и ќе претставуваат приоритет, и ЕК ќе ги поддржи“, појасни Путин истакнувајќи дека судбината на овој проект не зависи од Русија.За време на неколкучасовната прес-конференција, неколкупати беше допрена темата за Сирија. Во одговорите за новинарите рускиот претседател ја изрази увереноста дека решението на сириската криза е можно да се постигне само по политички пат. Притоа Путин укажа дека рускиот план за тоа речиси се совпаѓа со американскиот: „тоа е заедничката работа на уставот, создавање инструменти на контрола на идните предвремени избори, самите избори и признавањето на резултатите од нив“.Путин призна дека станува збор за „сложена работа“, имајќи предвид дека има различни барања, некои групи сакаат а некои не сакаат да соработуваат со сириската влада, некои, пак, категорично одбиваат. Но „сите спротиставени страни треба да најдат во себе сила за да се приближат“, убеден е рускиот претседател.Запрашан во врска со потребата од создавање руски воени бази во Сирија, Путин изрази сомневање во оправданоста на тоа, бидејќи крстосувачките ракети на Русија ѝ овозможуваат да дејствува, доколку е потребно, од далечина. Притоа ги спомена типовите ракети „Калибр“ со дострел од 1.500 километри и „Х-101“ со дострел од 4.500 километри.Кога станува збор за борбата во Сирија против екстремната сунитска група Исламска држава, Путин истакна дека Москва се обидува да ги обедини напорите на сириската армија и на сириската вооружена опозиција. „Напорите на Сиријците во таа борба ги поддржуваат руските воздухопловни сили“, додаде.Коментирајќи ја исламската коалиција што ја формираше Саудиска Арабија против Исламската држава, Путин го изрази мислењето дека таа нема да има антируски карактер, дури и со учеството на Турција во неа. Со самата Саудиска Арабија, Русија има разлики во однос на начините за решавање на сириската криза, но има и допирни точки, рече рускиот претседател, потсетувајќи дека неодамна се сретна со саудискиот монарх, а контактите се одржуваат на различни нивоа, преку министерствата за надворешни работи и за одбрана.Истовремено Путин гледа во создавањето на одделната коалиција на исламските земји знаци на противречност меѓу Ријад и Вашингтон. Сепак, истакна дека за ефикасна борба со тероризмот неопходно е обединување „а не да се разлеваат можностите со кои располагаме“.Меѓу првите прашања поставени на прес-конференцијата беа поврзаните со Украина. Путин лично му даде збор на украински новинар кој беше облечен во боите на националното знаме, кој минатата година исто така ми поставуваше прашања на рускиот претседател облечен во џемпер со проукраинска парола. Украинските новинари најмногу ги интересираше кога ќе бидат исполнети одредите од мировниот договор од Минск. Во одговорите Путин истакна дека Москва сака и е подготвена да ги спроведе договорите. „Неопходно е тоа да го посакуваат и нашите партнери во Киев“, додаде нарекувајќи ги дејствијата на украинските власти во однос на спроведувањето на Минскиот договор манипулирање. „Доколку навистина сакаат да го решат проблемот, треба да престанат да се занимаваат со тоа, да се започне заедно да се работи на тоа“, рече Путин. Москва, истакна рускиот претседател, е подготвена да ги убеди луѓето на југоистокот од Украина со аргументи да се изнајде некаков компромис.Путин, исто така, потцрта дека Русија не е заинтересирана за влошување на конфликтот во Украина, но до неговото решение „не може да се стигне преку ликвидација на луѓето во југоисточниот дел на земјата“. На крајот од одговорите на сетот прашања во врска со Украина, Путин изрази „сочувство“ со украинскиот народ во врска со фактот што на функцијата гувернер на Одескиот регион, во кој живее исто така мнозинство рускојазично население, беше именуван поранешниот грузиски претседател Михаил Саакашвили, кој неславно го заврши мандатот во својата татковина. „Од 45 милиони не можат да најдат пет до десет чесни и ефикасни раководители?“, праша Путин, констатирајќи дека тоа претставува „шлаканица за украинскиот народ“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поранешни вработени го обвинија Хулио Иглесијас за сексуална злоупотреба, откриени детали
Шпанскиот пејач Хулио Иглесијас е обвинет за сексуален напад од страна на две поранешни вработени, кои тврдат дека биле подложени на „несоодветно допирање, навреди и понижување во атмосфера на контрола и постојано вознемирување“. Обвинувањата беа објавени по тригодишна истрага, објавува „Гардијан“.
Жените, куќна помошничка и физиотерапевт вработени во вилите на Иглесијас во Доминиканската Република и на Бахамите, тврдат дека наводните напади се случиле во 2021 година.
Тригодишна истрага
Обвинувањата произлегуваат од заедничка истрага на шпанскиот портал elDiario.es и телевизиската мрежа Univision Noticias, кои собраа сведоштва од 15 поранешни вработени кои работеле за 82-годишниот пејач помеѓу крајот на 1990-тите и 2023 година.
„Интервјуата ги опишуваат условите за изолација на жените, работните спорови, хиерархиската структура на персоналот и напнатата атмосфера создадена од избувливата природа на Иглесијас“, се вели во својот извештај на elDiario.es.
„Двете жени кои го пријавија сексуалниот напад беа интервјуирани повеќе пати во период од повеќе од една година и нивните искази останаа конзистентни. Нивните искази беа поткрепени со обемни документарни докази, како што се фотографии, дневници на повици, пораки на WhatsApp, визи, медицински извештаи и други документи.“
Детали за сведочењето
Една од жените, идентификувана под псевдонимот Ребека за да се заштити нејзиниот идентитет, изјави дека Иглесијас, тогаш 77-годишен, често ја канел во својата соба на крајот од работниот ден. Таа тврдеше дека потоа сексуално ја злоупотребил без нејзина согласност. „Ме користеше речиси секоја вечер“, изјави таа за elDiario.es и Univision Noticias. „Се чувствував како предмет, како роб“.
Според Ребека, нападите обично се случувале во присуство и со учество на друг вработен кај Иглесијас, кој бил нејзин претпоставен.
Друга жена, позната под псевдонимот Лаура, изјави дека Иглесијас ја бакнувал и ги допирал нејзините гради без нејзина дозвола. „Бевме на плажа и тој дојде до мене и ме допре“, рече таа, додавајќи дека сличен инцидент се случил покрај базенот во вилата на пејачот во Пунта Кана.
Двете жени рекоа дека работниците биле подложени на напната и контролирачка атмосфера и зборуваа за тоа како Иглесијас „ја нормализирал злоупотребата“. Ребека рече: „Таа куќа треба да се нарече куќа на ужаси затоа што е кошмар – нешто навистина ужасно“.
Поднесена жалба и реакции
ElDiario.es објави дека две жени поднеле формална жалба до обвинителите во највисокиот кривичен суд во Шпанија, обвинувајќи го Иглесијас за трговија со луѓе и сексуален напад.
Новинарите што го истражуваат случајот постојано се обидуваат да го контактираат Иглесијас и неговиот адвокат, но не добиле одговор. Сепак, жената што Ребека ја идентификуваше како нејзин претпоставен во вилата во Пунта Кана ги отфрли обвинувањата како бесмислени.
Таа рече дека чувствува само „благодарност, восхит и почит кон големиот уметник и човечко суштество каков што е тој“, опишувајќи го како „скромен, дарежлив, вистински господин и голем почитувач на сите жени“.
Шпанската министерка за труд Јоланда Дијаз го нарече сведочењето на жените „ужасно“, велејќи дека тие опишале „сексуален напад и ситуација на ропство“.
Од друга страна, Изабел Дијаз Ајусо, претседателка на мадридскиот регион, застана во одбрана на Иглесијас. Таа рече дека нејзината администрација нема да ги послуша повиците да му се одземат почестите на пејачот. „Мадридскиот регион никогаш нема да придонесе за дискредитирање на уметник, а уште помалку кога станува збор за најуниверзалниот од сите пејачи: Хулио Иглесијас“, напиша таа на социјалната мрежа Икс.
Европа
(Видео) Се огласија родителите на девојката која ги носеше прскалките во барот во Швајцарија: Се обидела да избега, вратата била заклучена, а потоа се онесвестила
Родителите на 24-годишната Сијан Панин, келнерка која загина во пожар на новогодишната ноќ во барот „Le Constellation“ во Кран-Монтана, Швајцарија, за прв пат јавно проговорија за последните моменти од животот на нивната ќерка и околностите на трагедијата во која загинаа 40 лица, а 116 беа повредени.
Сијан Панин била една од вработените во барот каде што избувна пожарот на новогодишната ноќ.
Според досега познатите информации, младата жена во еден момент носела шишиња шампањ со запалени прскалки, седејќи на рамената на маскирано лице.
Видеото од тој момент го обиколи светот. Истражителите се сомневаат дека прскалките ја запалиле звучната изолација на таванот, која била лесно запалива, а пожарот се проширил низ целиот простор за само неколку минути.
Иако јавно се тврдеше дека Сијан ненамерно го предизвикала пожарот, нејзиното семејство и адвокат нагласуваат дека ова се прерани заклучоци и дека одговорите можат да се дадат дури откако ќе заврши истрагата.
Адвокатката на семејството, Софи Хени, истакнува дека Сиан не била задолжена за послужување на масите таа вечер, туку, поради големиот број нарачки, сопственикот на ресторанот ѝ наредил да се спушти во подрумот и да им помогне на колегите.
– Сијан никогаш не била предупредена за опасноста од запаливиот таван, ниту пак добила никаква обука за противпожарна безбедност. Таа несомнено е жртва, рече адвокатот, додавајќи дека трагедијата немаше да се случи доколку се почитувале безбедносните прописи.
Откако избувнал пожарот, Сијан, според нејзините родители, се обидела да избега низ излезот за итни случаи во подрумот, кој добро го знаела. Сепак, вратата кон тој излез била заклучена. Пријателите подоцна ја пронашле без свест пред вратата, откако успеале да ја скршат однадвор.
– Ја извлекле. Таа сè уште била жива, но без свест, рече нејзината мајка Астрид.
Родителите не можат да разберат зошто вратата за итен излез била заклучена: „Сопственикот се плашеше дека луѓето ќе си заминат без да платат. А масите чинеа илјада евра секоја. Да беше вратата отворена, сите деца ќе излезеа. Можеби тогаш воопшто немаше да има смртни случаи“, рече мајката.
Според записите добиени од швајцарските медиуми, сопственикот на барот, Жак Морети, се обидел да влезе во барот откако избувнал пожарот.
Главниот влез бил непрооден, а кога влегол низ вратата за итен случај, ги нашол заклучени внатре. Зад вратата, пронашол неколку луѓе како лежат неподвижни на подот, вклучувајќи ја и Сијан.
„Се обидувавме да ја реанимираме повеќе од еден час, сè додека спасувачите не ни кажаа дека е предоцна“, рече Морети.
Неговата сопруга и ко-сопственичка на ресторанот, Џесика Морети, им кажа на полицајците дека Сијан ѝ била како помлада сестра и дека го поминала Божиќ со нивното семејство.
По трагедијата, родителите Астрид и Жером и нивната друга ќерка Еолин веднаш отпатувале во Швајцарија за да го идентификуваат телото и да го организираат транспортот на останките во Франција. Сијан Панин беше погребана минатата сабота.
– Таа беше како зрак сончева светлина. За нас сонцето не изгреало од почетокот на 2026 година. Постои време за тага и време за одговорност и гнев. Мислам дека гневот брзо ќе победи, рече нејзиниот татко Жером.
Истрагата за причините за пожарот и одговорноста за една од најголемите новогодишни трагедии во Швајцарија сè уште е во тек.
Европа
Бројот на умрени во Франција за прв пат од Втората светска војна го надмина бројот на родени
Франција евидентираше повеќе умрени отколку родени во 2025 година за прв пат од крајот на Втората светска војна, со што се намали нејзината долгогодишна демографска предност во однос на другите земји од Европската Унија, покажаа официјалните податоци.
Националниот институт за статистика INSEE објави дека минатата година починале 651.000 луѓе, а се родиле 645.000 бебиња, бројка што постепено се намалува од пандемијата на коронавирусот.
Франција традиционално е демографски посилна од повеќето други европски земји, но стареењето на населението и опаѓањето на стапките на наталитет покажуваат дека дури ни таа држава не е имуна на демографската криза што ги оптоварува јавните финансии низ Стариот континент.
INSEE објави дека стапката на фертилитет паднала минатата година на 1,56 деца по жена, најниско ниво од Првата светска војна и далеку под 1,8 предвидени од советодавниот совет за пензии во своите прогнози за финансирање на пензии. Во 2023 година, последната година за која беа направени споредби со другите членки на ЕУ, Франција се рангираше на второ место со стапка на наталитет од 1,65, зад Бугарија, која имаше стапка од 1,81.
Националната канцеларија за ревизија минатиот месец предупреди дека демографската промена во наредните години ќе ги доведе јавните расходи до нивоа од ерата на пандемија, а воедно ќе ја намали даночната основа.
Иако бројот на смртни случаи е поголем од бројот на раѓања, населението на Франција малку се зголеми на 69,1 милиони минатата година поради нето миграцијата, која според INSEE е проценета на 176.000.
Очекуваниот животен век достигна рекордно високо ниво минатата година – 85,9 години за жени и 80,3 години за мажи – додека процентот на оние на возраст од 65 години или повеќе кои живеат се искачи на 22 проценти, речиси изедначувајќи го процентот на оние под 20 години.
(Видео) Премиерот на Гренланд: Ако треба да избереме помеѓу САД и Данска, ја бираме Данска
Премиерот на Гренланд изјави дека доколку неговиот народ мора да избере „тука и сега“, ќе ја избере Данска пред САД....
Поранешни вработени го обвинија Хулио Иглесијас за сексуална злоупотреба, откриени детали
Шпанскиот пејач Хулио Иглесијас е обвинет за сексуален напад од страна на две поранешни вработени, кои тврдат дека биле подложени...
(Фото) Тошковски на проштална средба со амбасадорката Агелер: САД остануваат клучен стратешки партнер во безбедноста
Министерот за внатрешни работи на Република Северна Македонија, Панче Тошковски, денеска оствари проштална средба со амбасадорката на Соединетите Американски Држави...
Зеленски се обиде да го назначи поранешниот премиер за министер за енергетика, парламентот го одби
Украинските пратеници го отфрлија назначувањето на министерот за одбрана во заминување Денис Шмихал за министер за енергетика, што е ретка...
Бројот на жртви варира во голема мера: „Иран Интернешнл“ тврди дека најмалку 12.000 луѓе се убиени во протестите
Се појавуваат извештаи за илјадници жртви во немирите во Иран, што би претставувало најголем број смртни случаи во протестите од...
Каја Калас: Историјата е полна со примери за паѓање на режими, но прашањето е што следува потоа
Високиот претставник на Европската Унија за надворешни работи и безбедносна политика, Каја Калас, изјави дека е неизвесно што ќе се...
Времето утре – сончево со мала до умерена облачност, максималната температура до 10 степени
Времето утре ќе биде сончево со мала до умерена облачност. Ќе дува слаб до умерен ветер од западен и северозападен...
Јордан Апостолски, Наташа Бошкова и Сашо Георгиевски кандидати за судии во Европскиот суд за човекови права
Владата на денешната 141 седница беше информирана за текот на постапката за номинирање кандидати за позицијата судија во Европскиот суд...
Утрешното судење за пожарот во „Пулс“ е одложено за 26 јануари
Судењето за пожарот во „Пулс“ што требаше да се одржи утре е одложено за 26 јануари, соопшти Кривичниот суд. Расправата...
Бугарски државјанин протеран од земјава, кај него се пронајдени боксирач и транспарент со навредлива содржина
Полицијата уапси бугарски државјанин на Граничен премин Деве Баир, кај него се пронајдени боксирач и транспарент со навредлива содржина. Според...
МНР апелира македонските државјани да го напуштат Иран во прва можна прилика
Министерството за надворешни работи апелира сите македонски државјани што се наоѓаат во Иран да ја напуштат земјата поради влошената состојба....
Обвинителството бара притвор за лицето што ја искрши влезната врата на бугарската Амбасада
Основното јавно обвинителство Скопје поведе постапка против 55-годишник осомничен за кривично дело – Оштетување туѓи предмети од член 243 став...
Техничката влада мора да остане, велат од СДСМ
Техничката влада мора да остане. Таа е единствена шанса, единствен обид за некакви минимални услови за фер избори, велат од...
Со паричка во погача, голем број семејства вечерва ќе ја дочекаат Старата Нова година
Според Јулијанскиот календар, по кој се водат православните христијани, вечер се дочекува православната нова година, кај народот позната уште како...
Во Кавадарци се води истрага за два случаи на сексуално насилство врз деца
Кавадаречкото Обвинителство споведува истрага за два одвоени случаи во кои има сомненија за силување на дете кое не наполнило 15...
Словачките лидери едногласни: Крај на воената помош за Украина
Највисоките словачки функционери – претседателот Петер Пелегрини, премиерот Роберт Фицо и претседателот на парламентот Рихард Раши – потврдија единство околу...
Претседателката на Молдавија: На референдум би гласала за обединување со Романија
Претседателката на Молдавија, Маја Санду, изјави дека би гласала за обединување со Романија доколку тоа прашање некогаш се најде на...
Германија предупредува: Плановите на Трамп за Гренланд може да го загрозат НАТО
Германскиот министер за надворешни работи Јохан Вадефул изјави дека сојузниците во НАТО мора да соработуваат кога станува збор за безбедноста...
Конгресмен предлага закон за анексија на Гренланд
Републиканскиот конгресмен Ренди Фајн предложи закон до американскиот Конгрес со кој на САД би им се овозможила анексија на Гренланд...
18-годишникот кој усмрти жена во Капиштец избега од државата, МВР распиша потерница
Министерството за внатрешни работи распиша меѓународна потерница по 18-годишникот кој прегази жена во Скопје и избега од местото на настанот....
