Спорт
Барса ја платиле откупната клаузула за Гризман
Трансферот на Антоан Гризман од Атлетико Мадрид во Барселона е пред комплетирање, откако каталонскиот клуб ја уплатил сумата од 120 милиони евра за да ја активира клаузулата за прекин на договорот на Французинот, тврди „Л’Екип“. Атлетико и Барселона, засега го демантираат ова, но шпанските медиуми потврдуваат дека работата е пред „финиширање“.
Гризман веќе побара трансфер од „Ванда метрополитано“ ова лето, а и покрај „лошата крв“ која се појави со препукувања меѓу двата клуба, Барселона со овој потег е многу блиску до трансфер за 120 милиони евра, иако според „Л’Екип“ има уште многу административни формалности кои ќе треба да се завршат бргу.
Се верува дека одложувањето на договорот беше желбата на Атлетико да го добијат Нелсон Семедо како дел од договорот, но на крајот Барселона не сакала ваква зделка и решила целосно да ја исплати сумата.
Очекувањата се Гризман да потпише петгодишен договор со Блауграна, со кој би бил обврзан со клубот до 2024 година.
Les dirigeants catalans ont versé 120 M€ pour libérer Antoine Griezmann de son contrat avec l’Atlético de Madrid > https://t.co/CXKUcHMw5h pic.twitter.com/oXo13Crj9b
— L’ÉQUIPE (@lequipe) July 11, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА потврди – 26 наместо 23 играчи на ЕУРО 2024
Репрезентациите кои ќе учествуваат на претстојното Европско првенство во Германија ќе имаат на располагање 26 играчи, потврди УЕФА.
Извршниот комитет на Европската фудбалска унија потврди дека е смнето правилото според кое селекторите на можеа да пријават 23 фудбалери.
Овој предлог беше поддржан претходно оваа година на состанокот на Националниот комитет за натпреварување на УЕФА.
Идејата за прв пат беше претставена на селекторскиот собир во Дизелдорф.
Оваа измена беше предложена поради згуснатиот распоред оваа сезона и ризикот од повреди.
Претставниците на Националниот натпреварувачки комитет во петокот и официјално го заверија сето она што беше претходно предложено, договорено и прифатено од мнозинството.
Европското првенство ќе се одржи од 14 јуни до 14 јули во Германија.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.
Спорт
Модриќ мора да се прифати два услови доколку сака да остане во Реал
Лука Модриќ има договор со Реал до крајот на сезоната и се уште не е познато каде ќе игра 38-годишниот играч за врска следната сезона. Желбата на Модриќ е да остане во Реал, но има голем број понуди од други клубови.
Капитенот на хрватската репрезентација го бараат Динамо, саудиски клубови, екипи од МЛС лигата, а се почесто се зборува и за интересот на Јувентус.
Карлос Карпио, новинар на „Марка“, откри дека Модриќ мора да прифати два услови доколку сака да остане во Реал. Мора да прифати да биде резерва и да прифати значително намалување на платата. Модриќ наводно заработува околу 20 милиони евра по сезона.
„Се сомневам дека ќе остане во Реал, но ако остане, тоа ќе биде со помала плата. Модриќ не прифати добро ниту една одлука на Анчелоти да биде резерва. Легендите никогаш не се послушни замени“, вели Карпио.
Модриќ сезонава забележа 40 настапи, два гола и шест асистенции. Хрватото во Реал пристигна во 2012 година од Тотенхем за 35 милиони евра.