Турција очекувано со 3:1 (25:21, 26:24, 20:25, 25:19) ја победи Белорусија во последниот денешен меч во нашата група Ц, и сега доколку во последното коло ја совлада Финска ќе ја прати репрезентацијата на Македонија во осминафиналето на Европското првенство.

Македонија сега утре ќе треба да навива за Турците да ја совладаат Финска, репрезентацијата која нас не победи тесно, за да ни се отвори патот до осминафинале, каде што би не чекал првопласираниот тим од групата А, каде што Франција и Италија имаат по четири победи пред последното коло во кое играат меѓусебно.

ЕВРОПСКО ПРВЕНСТВО

ГРУПА А

Грција – Португалија 1:3 (25:19, 21:25, 23:25, 17:25)

Италија – Бугарија 3:1 (22:25, 25:23, 25:21, 25:17)

Табела: 1.Франција 12, 2.Италија 12, 3.Бугарија 9, 4.Португалија 3, 5.Грција 3, 6.Романија 0

ГРУПА Б

Австрија – Шпанија 2:3 (23:25, 28:26, 23:25, 25:23, 11:15)

Словачка – Белгија (23:25, 20:25, 15:25)

Табела: 1.Белгија 11, 2.Србија 9, 3.Словачка 5, 4.Германија 4, 5.Шпанија 3, 6.Австрија 1

ГРУПА Ц

Словенија – Македонија 1:3 (24:26, 28:30, 25:19, 24:26)

Турција – Белорусија 3:1 (25:21, 26:24, 20:25, 25:19)

Табела:  1.Русија 12, 2.Словенија 9,  3.Турција 3, 4.Македонија 6, 5.Финска 4, 6.Белорусија 2

ГРУПА Д

Црна Гора – Полска 0:3 (10:25, 17:25, 19:25)

Естонија – Холандија 1:3 (25:22, 19:25, 19:25, 20:25)

Табела: 1.Полска 12, 2.Холандија 9, 3.Украина 6, 4.Чешка 3, 5.Црна Гора 3, 6.Естонија 0

Англиските клубови немаа најдобро отварање на Лигата на шампионите, откако актуелниот шампион Ливерпул загуби со 2:0 на гостувањето кај Наполи, додека Челси успеа дома да биде поразен од „растурената“ Валенсија со 0:1. Големото дерби Борусија Дортмунд-Барселона заврши без голови откако германскиот клуб утна пенал, додека Ред бул Салцбург со неверојатни 6:2 го победи Генк.

Наполи имаше подобар старт на мечот, но Ливерпул се стабилизираше по 20-тата минута, но на полувреме се отиде без голови. Адријан имаше одлична одбрана на ударот на Дрис Мертенс на стартот на второто полувреме, а по неколкуте убави шанси за Ливерпул следуваше 81. минута и фаулот на Робертсон над Калехон за пенал, кој Мертенс сигурно го реализираше. Ливерпул тргна во лов на бод, но во 92. минута, Фернандо Љоренте стави точка на натпреварот.

Челси пак, не ги искористи шансите во првото полувреме за да биде казнет во 74. минута, кога по слободен удар, Родриго успеа да го измами Кепа и да донесе водство за Валенсија. Челси имаа совршена шанса да израмнат во 87. минута кога беше досуден пенал, но Рос Баркли ја упати топката над пречката!

Утнат пенал имаше и во Дортмунд, каде што Марко Ројс во 57. минута имаше шанси да ја „казни“ Барселона, но неговиот репрезентативен колега Тер Штеген одлично го прочита и имаше фантастична одбрана.

Во Салцбург пак, имаше неверојатен меч во кој тимот на Ред бул стигна до 6:2 победа над белгискиот Генк, најавувајќи дека ќе биде опасен противник за Наполи и Ливерпул. „Братскиот“ Ред бул, тој од Лајпциг, пак стигна до важна 2:1 победа на гостувањето кај Бенфика.

ЛИГА НА ШАМПИОНИ, 1.КОЛО

ГРУПА Е

Наполи – Ливерпул 2:0

Салцбург – Генк 6:2

ГРУПА Ф

Интер – Славија Прага 1:1

Борусија Дортмунд – Барселона 0:0

ГРУПА Г

Лион – Зенит Санкт Петербург 1:1

Бенфика – РБ Лајпциг 1:2

ГРУПА Х

Ајакс – Лил 3:0

Челси – Валенсија 0:1

По совршениот старт на Серија А со три победи во три меча, очекувањата на навивачите на Интер беше да се стартува и Лигата на шампионите на најдобар начин, меѓутоа тоа не го дозволи Славија Прага, која беше на чекор до сензационална победа, пред да прими гол во 92. минута и да се задоволи со 1:1 на отварањето на најквалитетното европско клупско натпреварување.

Чешкиот тим успеа да го сопре нападот на „нераѕурите“ во првото полувреме, дозволувајќи им само две полу-шанси, по што следуваше големото изненадување, кога во 68. минута, Питер Олајинка прво направи одличен влез во шестнаесетникот, а потоа одбиената топка на Хандановиќ ја смести во мрежата.

Во судиското продолжение (во кое судијата покажа 8 минути), Интер имаше совршена шанса од слободен удар од 20-тина метри да израмни, но ударот на Стефано Сенси заврши во пречката, по што на топката налета Николо Барела и спречи понижувачки пораз.

И во вториот „ран“ меч од првото коло на ЛШ домаќините се мачеа, откако Лион одигра само 1:1 со рускиот Зенит. Сардар Азмун ги донесе гостите во водство во 41. минута, а францускиот клуб успеа да израмни со гол од пенал на Мемфис Депај во 50. минута и до крајот на мечот не ги искористи своите шанси за победа.

ЛИГА НА ШАМПИОНИ, 1.КОЛО

ГРУПА Ф

Интер – Славија Прага 1:1

ГРУПА Г

Лион – Зенит Санкт Петерсбург 1:1

ИНТЕР – СЛАВИЈА ПРАГА

ЛИОН – ЗЕНИТ