Регион
Бајден: Хрватска има потенцијал да стане регионален енергетски јазол
Хрватска има потенцијал да стане регионален енергетски јазол, доколку паметно вложува преку поддршката од ЕУ и соработката со соседите, изјавил американскиот потпретседател Џо Бајден на завршното заседание на Енергетскиот и економскиот самит на Атланскиот совет во Истанбул.
Хрватска има потенцијал да стане регионален енергетски јазол, доколку паметно вложува преку поддршката од ЕУ и соработката со соседите, изјавил американскиот потпретседател Џо Бајден на завршното заседание на Енергетскиот и економскиот самит на Атланскиот совет во Истанбул.
Според Бајден, најважни чинители на европската енергетска безбедност во овој регион се Хрватска и Романија. Ова не е првпат американските претставници да го нагласат значењето на Хрватска како важен елемент во креирањето на идната енергетска стабилност на Европа, откако пред неколку месеци американскиот претседател Барак Обама порача дека „Русија мора да се спречи во ширењето на енергетски инвестиции во границите на кои сега е поставена, и таа не смее да ја помине оската која сега се простира од Балтичкото до Јадранското море“.
Кога се говори за хрватската улога во сузбивањето на енергетската доминација на Русија во Европа, американските претставници пред се мислат на градењето на ЛНГ терминалот (терминал за течен природен гас) на Крка, како и оневозможување на Русија да има излез на Јадранското море.
Проектот аза ЛНГ терминалот бил надвор од интересот на САД и на ЕУ се до ескалацијата на кризата во Украина и желбите на западна Европа да се ослободи од енергетската зависност од Москва.
Стејт Департментот одлучил да и помогне на хрватската Влада во реализацијата на проектот, па ја притисна Европската комисија (ЕК) да го кофинансира проектот од своите фондови. Притисокот вроди со плод бидејќи ЕК неодамна одобри пет милиони евра за изработка на техничка документацијата и модел на финансирање за изградбата на терминалот.
За САД, терминот на Крка е важен поради конечната цел, а тоа е поврзувањето на ЛНГ терминалот на Крка со оној на Балтикот во Полска, со што би се создал северно-јужен енергетски коридор Балтик – Крка и би овозможил снабдување со гас до Полска, Чешка, Словачка, Унгарија и Хрватска, без Русија, пишува Jutarnji.hr
Бајден истакнал дека е свесен оти моменталните економски услови на многу земји не им овозможуваат финансирање на вакви скапи проекти и ги повика членките на Европската унија заеднички да работат на овие проекти.
„Европа ќе мора да донесе тешки одлуки во врска со енергетската безбедност. Но на тоа поле веќе е постигнат одреден напредок“, истакнал Бајден.
Американскиот потпретседател особено го истакнал и значењето на градењето на гасоводот од Каспиското езеро до Италија, со кое гасот од Азербејџан ќе стигне до Европа, а се работи за проект во кој Хрватска повторно е важен дел.
„Тоа ќе ја промени играта во врска со енергетската безбедност во Европа“, нагласил Бајден.
Се работи за гасовод кон кој би требало да се приклучи и Хрватска, и со чија активација таа би станала извозник на гас во средна Европа и на тој начин би помогнала во диверсификацијата и би ја намалила европската зависност од руски гас./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.