Црна хроника
Белгиската полиција ослободи 16 од 24 осомничени за големата кражба на дијаманти

Белгиската полиција во четвртокот ослободи 16 од 24-те приведени лица во Брисел под сомнение за големата кражба на дијаманти од бриселскиот меѓународен аеродром кон средината на февруари.
Како што пишуваат белгиските медиуми, претходно беше објавено дека се уапсени 31 лица во три земји под сомнение дека се вмешани во кражбата. Од нив, 24 беа приведени во Белгија, шест во Швајцарија и едно во Франција.
Дел од ограбените дијаманти биле пронајдени во Швајцарија. Покрај тоа, во Белгија се запленети пари за коишто се претпоставува дека потекнуваат од продажбата на украдените скапоцен и камења.
Според белгиските медиуми од 24-цата уапсени во Белгија, 16 се ослободени во четвртокот, додека за осум главниот истражен судија на Брисел, Жероен Берм одредила притвор. Тие ќе бидат изведени пред судот во почетокот на следната седмица.
Медиумите досега успеаја да го дознаат само идентитетот на еден од уапсените. Станува збор за 43-годишниот Французин Марк Бертолби кој имал богато криминално минато.
Осум криминалци во полициски униформи во две комбиња со трепкачки светла се појавија на 18-ти февруари на товарната зона на меѓународниот аеродром во белгиската престолнина Брисел каде што бил паркиран авионот на воздухопловната компанија „Swiss” во кој работници на компанијата „Brink’s” товареле пратка од необработени дијаманти наменета за Цирих.
Разбојниците вооружени со автоматско оружје, украдоа околу десет килограми од скапоцените камења во вредност од околу 37,5 милиони ера. За време на грабежот немаше настрадани и не беше истрелан ниеден куршум. Полицијата тогаш не можеше да влезе во трагата на крадците.
Во меѓувреме, американската компанија „Brink’s”, специјализирана за обезбедување на скапоцени транспорти, им исплати компензација на оштетените клиенти./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Липково ја удрило струја додека чистела во двор

Жена од Липково ја удрило струја додека чистела во дворот на нејзината куќа.
Вчера во 12.23 часот во СВР Куманово, од Општа болница Куманово било пријавено дека кај нив во бессознание била донесена А.Ф.(36) од село Матејче, општина Липково. Според пријавеното, таа се здобила со повреди од струен удар додека чистела во дворот од семејната куќа, во близина на машина која била во дефект. Увид бил извршен.
Црна хроника
Полицаец издавал кога ќе има полициски и финансиски контроли по казина и локали

Одделот за внатрешна контрола, криминалистички истраги и професионални стандарди при МВР до надлежното обвинителство поднесе кривична пријава против З.С., полициски службеник во Тетово поради основано сомнение дека сторил кривично дело „оддавање на службена тајна“, предвидено и казниво по член 360 став 1 од Кривичниот законик.
Пријавениот како службено лице – полициски службеник во 2023 и 2024 година прибавувал податоци што претставуваат службена тајна на начин што имал увид во билтенот за дневни настани на МВР и анекс планови за планирани акциски контроли и активности по казина и угостителски објекти планирани и преземени од полициски службеници од СВР Тетово, УЈП, ДПИ и ДИТ.
Прибавените податоци ги сторил достапни на физичко лице вработено во казино.
Црна хроника
Загина велосипедист на патот Прилеп – Битола

На 15.06.2025 околу 21 часот во Полициската станица Прилеп било пријавено дека на регионалниот пат Прилеп-Битола, патничко возило „рено“ со прилепски регистарски ознаки, управувано од Т.Д.(51) од с.Галичани, прилепско, удрило во М.Б.(49) од Прилеп, кој туркал велосипед.
Во несреќата со тешки телесни повреди се здобил М.Б., констатирани во Општа болница Прилеп, каде што подоцна им подлегнал на повредите. Лекар констатирал смрт, а увид извршила увидна екипа од ОВР Прилеп и јавен обвинител, по чија наредба, телото на починатиот било дадено на обдукција.