Регион
Ердоган: Турција ќе постапи исто доколку ѝ се нарушат границите и не купува нафта од IS
Турскиот претседател Реџеп Тајип Ердоган изјави во четвртокот дека доколку биде нарушен воздушниот простор на Турција, ќе одговори исто како и при инцидентот со соборениот руски бомбардер „Су-24М“ во вторникот, а на обвинувањата на рускиот претседател Владимир Путин дека прави отстапки кон џихадистите порача дека е „неоспорен“ ангажманот на неговата земја во борбата против Исламската држава (IS).
„Доколку денеска се случи исто такво нарушување на нашите воздушни граници, ние сме способни да одговориме на ист начин“, изјави турскиот претседател Реџеп Тајип Ердоган.
Ердоган побара од Русија да ги докаже своите тврдење дека Турција купувала нафта од Исламската држава, неспоменувајќи ги притоа истите обвинувања кои периодично се појавуваат во западните медиуми од страна на тамошни функционери.
Рече дека оние кои го обвинуваат за купување нафта од Исламската држава мора да пружат докази за своите обвинувања. „Доколку немате, вие сте клеветници“, рече Ердоган првпат реагирајќи на обвинувањата од Москва, кои беа повторени и во четвртокот.
Турците тврдат дека рускиот авион го повредил нивниот воздушен простор, додека Москва тврди дела нејзиниот бомбардер летал над сириската територија каде е погоден без да биде предупреден. Потоа, Русија објави дека овој напад е извршен од „соучениците на тероризмот“ и ја обвини Анкара за поврзаност со Исламската држава.
„Нашата побра против Даеш (арапски акроним за Исламската држава, порано ISIL – з.р) продолжува, таа е непрестајна и активна. Турција е речиси единствената земја којашто се бори против Даеш“, уверува Ердоган.
„Никој нема право да ја оспорува борбата на нашата земја против Даеш и да нé обвинува“, додаде турскиот челник.
Исламско-кознервативниот претседател, чија посета на Русија предвидена за декември е неизвесна, изјави дека го „растажува инцидентот и заканите од руската страна“ и заклучи дека двете земји се стратешки партнери./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.