Регион
Запалени американското и турското знаеме во центарот на Атина
Знамињата на САД и на Турција беа запалени во четвртокот навечер во центарот на грчката престолнина Атина, на митингот организиран од леви организации поради турското соборување на рускиот авион во вторникот во Сирија.
Стотина луѓе се собраа на централниот атински плоштад Синтагма и покрај зградата на грчкиот парламент се упатиле кон турската амбасада, пренесуваат медиумите. Полицијата ја запрела групата на околу 300 метри од амбасадата, во близина на споменикот во чест на двата грчки пилота, кои загинаа во инцидент крај егејскиот остров Имиа, по неколкунеделната криза во 1996 година кога двете земји членки на НАТО беа на работ од војна.Демонстрантите истакнале транспаренти со критики за Турција и НАТО, и на минувачите им делеле летоци со повик Грција да истапи од Алијансата. Демонстрантите потоа го запалиле американското и турското знаме. Низ полицискиот кордон биле пропуштени само двајца од организаторите на митингот, претседателот на здружение на жители или студенти во поранешниот Советски сојуз, Панајотис Ксантопулос и лидерот на партијата Народно единство, поранешниот челник на крајно левото крило на владејачката коалиција на радикалната левица Сириза и поранешен министер за енергетика, Панајотис Лафазанис. Сепак, на дваесетина метри од влезот на турската дипломатска мисија биле запрени и од полициски офицер им било кажано дека „повисоките инстанци“ забраниле приближување до амбасадата. Лафазанис за новинарите изјавил дека претходно сите амбасади, вклучително и на САД и на Израел, ја примиле декларацијата на учесниците на протестот, и оти само кон турската амбасада им бил забранет приодот. „И таквите упатства на полицијата ѝ ги дава левичарска влада?!“, рекол Лафазанис„Целиот свет е загрижен од последиците на уривањето на рускиот авион од вашата земја. Авионот не го нарушил воздушниот простор на Турција, дејствувал во границите на сирискиот воздушен простор против злосторничката за човештвото Исламска држава“, се наведува во обраќањето на организаторите на протестот до турскиот претседател Реџеп Тајип Ердоган.„Не знаеме кој безумник ја имал одговорноста да даде таква наредба. Сакаме да веруваме дека тоа не сте вие“, се додава во петицијата.„Може ли по примерот на еден безумен турски офицер, грчките пилот да мораат да ги соборуваат сите воени авиони на Турција кои постојано го кршат нашиот воздушен простор?! Можеби ѝ завидувате на Германија која предизвика две светски војни?, се додава во обраќањето што го цитираат грчките медиуми.Учесниците на протестот ја критикувале активноста на Турција во контекст на инцидентот, кој се случи, како што велат, кога светот уште не закрепнал по серијата терористички напади со стотици жртви, од Синај, преку Бејрут, Бамако, Тунис и Париз оценувајќи дека Анкара ги поткопува напорите на меѓународната заедница да се справи со исламскиот екстремизам.Демонстрантите, исто така, изјавиле дека ја очекуваат реакцијата на владата на Грција во врска со инцидентот./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.