Спорт
ФИБА: Србија се фаворити за златото на СП
Светската кошаркарска федерација (ФИБА) ја објави новата листа на фаворити за претстојното Светско првенство во Кина. На оваа листа прв фаворит за златниот медал е репрезентацијата на Србија.
На претходната листа први фаворити беа Американците, но отказите со кои се соочи нивниот селектор Грег Поповиќ и добрата игра на Србија на „Акропол купот“ во Грција ги исфрлија Србите како главни фаворити за златото.
Во објаснувањето на оваа одлука ФИБА наведува дека кога еден тим ќе ја победи Грција во Атина пред 18.000 гледачи, во чии тим игра МВП на сезоната во НБА лигата, Јанис Адетокумбо, а при тоа игра без главните ѕвезди Милош Теодосиќ и Никола Јокиќ, тогаш тој тим е многу силен и заслужува да е на позицијата број 1.
САД се втори, а ФИБА објаснува дека е чудно кога Американците ќе се стават на втората позиција, но дека тоа е резултат на она што се случува изминатиот месец.
Зад Србија и САД следуваат Шпанија, Франција, Грција, Литванија, Аргентина, Русија, Австралија и Бразил.
Светското првенство во Кина ќе започне на 31 август, а ќе заврши на 15 септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Челси го декласира Вест Хем, Ливерпул убедлив против Тотенхем
Ливерпул и Челси забележаа убедливи победи во 36.коло, а Брајтон минимално ја победи Астон Вила.
Ливерпул одигра брилијантно во поголемиот дел од натпреварот. Поведе во 16. минута, кога Гакпо го проигра Салах, а Египќанецот го постигна својот 18. гол сезонава во Премиер лигата.
Кон крајот на првото полувреме „црвените“ го удвоија водството, со голот на капитенот Робертсон.
Ливерпул, во ист ритам продолжи и во вториот дел, Гакпо погоди во 50.минута, а потоа и Харви Елиот.
Во тој момент тимот на Јирген Клоп застана, а гостите од Лондо го искорситија да изборат чесен пораз. По гол постигнаа Ришарлисон и Сон.
Челси во градското дерби го декласира Вест Хем со 5:0. Дуелот беше решен во првиот дел кога „сините“ постигнаа три гола преку Палмер, Галагер и Мадуеке. Во вториот дел Џексон со два гола стави точка на натпреварот.
Ова е најубедлибата победа на Челси во историјата на меѓусебните дуели со Вест Хем.
Брајтон славеше победа над Астон Вила со голот на Жоао Педро во 87.минута.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.