Европа
Германски министер ги брани муслиманите додека растат тензиите
Во екот на огорченоста поради смртоносниот напад врз редакцијата на францускиот сатиричен весник Charlie Hebdo, германскиот министер за правда Хаико Маас застана во четвртокот во одбрана на муслиманите во неговата земја, порачувајќи дека тие на ниеден начин не се поврзани со насилства како она што се случи во Париз.
„Тоа беше напад на исламот. Огромно мнозинство муслимани во Германија тоа го сметаат за предавство на нивната вера и тоа го велат гласно и отворено“, изјави германскиот министер за правда Хеико Маас на прес-конференција во Берлин.
Неколку часа претходно беа објавени резултатите од истражувањето на јавното мнение кое покажуваат дека германските муслимани се отворени и демократски ориентирани, иако повеќето Германци ги сметаат за нелојални и опасни.
Маас ја одржа прес-конференцијата десет седмици по започнувањето на собирите на граѓанското движење Родољубиви Европејци против исламизацијата на Западот (Pegida), која германските политичари сакаат да го претстават како крајно десно ориентирано и стравуваат дека може да го искористи масакрот во Париз за нов масовен собир закажат традиционално за понеделник навечер во Дрезден, откако овој понеделник таму се собраа рекордни досега повеќе од 18.000 лица кои се противат на „исламизацијата на земјата“.
„Мнозинството тука во Германија треба да разбере дека тоа беа екстремисти, они коишто немаат ништо заедничко со исламот. Екстремисти има во секое општество“, изјави Маас, додавајќи дека тој, како и министерот за внатрешни работи сакаат да спречат „војна на културите“ во Германија.
Двајца челници на десничарската партија Алтернатива за Германија (AfD) којашто го поддржува движењето Pegida, претходно изјавија дека исламскиот тероризам е причина да се сопре доселувањето во земјата. Еден од нив Александер Гауланд, изјави дека нападот во Париз потврдуваат дека Pegida е во право со своите ставови. Челниците на AfD и Pegida се сретнаа во четвртокот во Дрезден за да разговараат за области во кои меѓусебно би можеле да соработуваат.
Од 81 милиони жители на Германија, најмалку четири милиони се муслимани, а дел од нив практично и не се верници, а станува збор во најголем дел за доселеници од Турција, а потоа и од арапските земји или за нивни потомци.
Според резултатите од анкетата на германската фондација Bertelsmann, германските муслимани кои учествувале во истражувањето ја поддржуваат својата земја и имаат широка мрежа контакти со немуслимани, и покрај растот на нетрпеливоста кон нив. Според анкетата, 90 отсто од муслиманите во Германија коишто се сметаат себеси за религиозни, сметаат дека демократијата е добар облик на уредување на општеството. Исто толкав процент изјавиле дека познаваат немуслимани и надвор од своето работно место, а половината велат дека нивните социјални профили се урамнотежени меѓу муслиманите и немуслиманите.
„Германија станала нивната татковина, и покрај тоа што ги погодува очигледно негативната слика што ја создаваат малцинските исламистички радикали“, изјави за агенцијата DPA Јасемин ел-Менур, експертка за исламот во фондацијата Bertelsmann.
Истражувањето, како што е наведено, било спроведено на репрезентативен примерок од 14.000 испитаници, но во ноември 2013 година.
Во Германија 63 отсто од оние коишто себеси се опишуваат како умерени муслимани или муслимански верници тврдат дека често ги преиспитуваат своите ставови и се подготвени да го променат мислењето, на пример во поглед на истоловите брачни заедници.
Меѓу немуслиманите во Германија, меѓи кои истражувањето било спроведено во ноември 2014 година, 57 отсто изјавиле дека исламот претставува закана, за разлика од 53 отсто колку што ги имало една година претходно. Околу 61 отсто од германските немуслимани сметаат дека исламот не може да се вклопи во германскиот начин на живеење./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.
Снопче ја праша ДУИ: Со која партија ќе формирате влада и зошто не го поддржувате Пендаровски во вториот круг
Кандидатот за пратеник од коалицијата ВЛЕН Халил Снопче изјави дека „Европски фронт“ не може да се промовира со старата гарда...
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството...
Возач загина во сообраќајка на експресниот пат Штип-Кочани, повредени жена и две деца
Триесет и деветгодишен маж загина, а три други лица, од кои две малолетни, се повредени во сообраќајна несреќа што синоќа...
Битиќи на велигденски јајца кај Спасовски кој му посака здравје низ целата година
Вицепремиерот Фатмир Битиќи бил на гости дома кај екс министерот за внатрешни работи, Оливер Спасовски по повод празникот Велигден. „На...
Мојсоска: Усеини од ДУИ доби 500 000 евра од ДПМНЕ во Охрид
Охридската гимназија, цела година е со раскопан двор. Учениците се заложници на неспособната локална власт, предводена од ДПМНЕ. Парите на...
На полноќ настапува молк пред вториот круг од претседателските и парламентарните избори
На полноќ завршуваат кампањите за вториот круг од претседателските избори и за парламентарните. Кампањата за претседателските избори започна веднаш по...
Израел почна да ги евакуира палестинските цивили од Рафа
Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на...
Во Северна Кореја за првпат оваа година се положи заклетва на лојалност за роденденот на Ким Џонг Ун
За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано...
Во Мексико пронајдени телата на исчезнатите туристи, биле најдени на дното во бунар
Мексиканските власти потврдија дека двајца австралиски и еден американски турист, кои беа пријавени за исчезнати во северно Мексико, се мртви...
Белоруски министер за надворешни работи: Украина се обидува да пренесе оружје на територијата на Белорусија за напад
Министерот за надворешни работи на Белорусија Сергеј Алејник изјави дека Украина често провоцира обиди за транспорт на оружје и експлозиви...
Во регионот Суми, високонапонски објект на Укренерга оштетен во руски напад
Високонапонскиот објект на Националната енергетска компанија „Укренерго“ е оштетен во рускиот напад со беспилотни летала и ракети врз регионот Суми...
Хрватска е привлечна за балканските работници поради платата, станува збор за многу пари
„Сезоната за извоз на работна сила практично започна веќе во април, поточно за келнери, готвачи и други работници во угостителството...
Митрески: Заедно и сплотени да ги надминеме сите предизвици
Претседателот на Собранието на Република Северна Македонија, Јован Митрески, во име на пратениците и во лично име, упати честитка по...
Мицкоски: Поучени од христијанските начела, да си ја сакаме државата, ближниот и да направиме се утре да биде подобро од денес
Претседателот на ВМРО-ДПМНЕ Христијан Мицкоски од негово лично име и од име на партијата упати честитка до сите верници по...
Ковачевски за Велигден: Добрината и мудроста да бидат нашиот патоказ, храбрите одлуки секогаш носат успех
Претседателот на Социјалдемократскиот сојуз на Македонија, Димитар Ковачевски, по повод големиот христијански празник Воскресение Христово – Велигден, упати честитика до...
Изборот за песна на Евровизија започнува за два дена, Шведска го очекува во страв
Мониста и штрас или пропалестински демонстрации и пароли? Изборот за песна на Евровизија, кој започнува во вторник во шведскиот град...
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
Ариепископот Охридски и македонски заедно со Светиот архиерејски Синод, по повод велигденските празнувања, испраќа мир и благослов од Бога до...
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена...
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на...
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е...
