Црна хроника
Кривични пријави за 16 лица кои извршиле десетици кражби во Скопје и Тетово
Полицијата поднесе кривични пријави против шеснаесет лица од Скопје и Тетово, извршители на десетици кражби од возила, станови, куќи, продавници и разни објекти, соопшти Министерството за внатрешни работи.
СВР Скопје поднесе кривична пријава против Р.Х.(40), Р.К.(40) и Н.Р. (40) сите од Скопје, за сторени шест кражби и против З.И. (36) за „прикривање”, а судија им одреди притвор од осум дена.
Пријавените во периодот од јули 2013 до февруари 2014 година, на подрачјето на Центар, Карпош и Чаир ограбувале патнички возила и станови во кои влегувале преку незаклучени врати.
Првопријавениот Р.Х. украдените лап топ компјутери ги носел во сервисот за компјутери „Арена” во ТЦ „Чаирчанка” сопственост на З.И, каде му биле откупувани за пониски цени иако З.И. знаел дека поттикнуваат од извршени кривични дела.
Тетовската полиција поднесе кривична пријава против Н.Р.(30), З.С.(45), Ц.М.(48) сите од село Милетино за сторени четири кривични дела „тешка кражба” и пет кривични дела „кражба”. Во периодот од август 2012 до јануари 2014 година, на подрачје на тетовските села Блаце, Челопек, Радиовце и село Горно Седларце, пријавените со употреба на физичка сила извршиле тешки кражби и кражби во куќи, продавници, објекти, од каде одзеле златен накит, пари, добиток, дрва и друго, стекнувајќи се со противправна имотна корист од околу 117.885 денари.
Исто така, СВР Тетово поднесе кривична пријава против Н.И.(30), Б.И.(29), М.Г.(22), тројцата од Тетово, А.Љ.(22) од село Пршовце, Р.А.(27) од село Одри, Ш.С.(33) од село Пршовце, Љ.С.(22), И.С. (22), двајцата од село Копанце и А.А.(32) од село Доброште, поради сторени 26 кривични дела, од кои 13 „тешки кражби”, седум „тешки кражби” во обид, пет дела „кражба” и едно „помагање”.
Во периодот од јануари 2013 до јануари 2014 година, пријавените делувајќи како криминална група делата ги сториле во куќи и помошни објекти лоцирани на потегот на селата Порој, Долно Палчиште, Јегуновце, Новаке, Шемшово, Слатино, Пршовце и Доброште со употреба на физичка сила и погодни предмети, од каде одземале злато и златен накит, пари, нафта, земјоделски машини, лични документи и друга разновидна техничка опрема и опрема за домаќинство, со што се стекнале со противправна имотна корист од околу 785.685 денари.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена жена во Охрид, разбојник ја турнал и ја ограбил
СВР Охрид поднесе кривична пријава против 36-годишниот Д.М. од Охрид поради постоење основи на сомнение за сторени кривични дела „разбојништво“ и „тешка кражба на дрзок начин“, извести СВР Охрид.
„Тој, на 28.03.2024 на улицата „Марко Нестороски“ во Охрид турнал 84-годишна жена од Охрид и ѝ одзел чанта со пари и лични документи. Притоа, таа паднала и се здобила со тешки телесни повреди. Исто така, пријавениот на улица „Богомолска“ на сличен начин од 65 – годишна жена одзел чанта со пари и лични документи“, соопшти СВР Охрид.
Црна хроника
Физичка пресметка меѓу охриѓанки: по кавга меѓу две деца, се истепаа мајките
Вчера во 14.50 часот во СВР Охрид е пријавено дека на улицата „Ванчо Питошески“ во Охрид, поради меѓусебно недоразбирање помеѓу две малолетни лица, нивните родители 36-годишната П.В. и 35-годишната М.Т., двете од Охрид, го нарушиле јавниот ред и мир со меѓусебна физичка пресметка, извести СВР Охрид.
По целосно документирање на настанот, ќе биде поднесена соодветна пријава.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.