Израелската војска испратила телефонски пораки со предупредување до 100 илјади жители на два кварта во градот Газа да се евакуираат од своите домови бидејќи планира да ги бомбардира објектите за кои смета дека се во сопственост на Хамас.

Ваквото предупредување станало вообичаено од почетокот на израелските воздушни удари во оваа област.

Една жена и дете се убиени за време на израелските воздушни напади во средата кога на удар а израелската авијација се нашол југот на појасот Газа, со што вкупниот број на загинати достигнал 208 лица, соопштила итната помош во Палестина.

Мета на најновите воздушни удари биле куќи во подрачјата Ал Дака во Кан Јунис и во овие напади биле ранети уште пет лица. Меѓу загинатите е и едно десетгодишно момче и една 65 годишна жена.

Очевидци тврделе дека ракета на воздухопловните сили на Израел погодила и еден автомобил во источниот дел од градот.

Претходно при удар врз куќа во Рафи биле убиени двајца мажи, а веднаш потоа и едно момче, кое е идентификувано како припадник на исламски џихад.

За време на третиот удар на израелските авиони настрадал уште еден Палестинец.

Во Кан Јунис рано во средата загинал 19 годишен Палестинец, а голем број тенкови дејствувале врз источниот дел од градот, убивајќи при тоа едно лице.

Во офанзивата, која продолжи во средата, деветти ден по ред, биле ранети повеќе од 1.550 Палестинци.

Судејќи според податоците на Палестинскиот центар за човекови права со седиште во Газа, повеќе од 80 проценти од жртвите се цивили.

Во нападите во средата на мета на израелските воздухопловни сили се нашла и куќата на високиот претставник на Хамас, Махмуд ал Захара, која била срамнета со земја, истакнале безбедносни претставници, а очевидци тврдат дека објектот пред бомбардирањето бил потполно празен.

Во одвоени удари врз градот Газа и Џабалиј во северните делови, гаѓани биле куќи на најмалку тројца претставници на Хамас.

Офанзивата продолжи откако во вторникот падна и првата израелска жртва како последица на ракетирањето на Хамас.

Доцна во вторникот палестинските функционери ги критикувале египетските напори за постигнување на прекин на огнот тврдејќи дека посредниците во потполност ја игнорирале Хамас.

„Еѓипќаните ја координираа иницијативата со палестинскиот претседател и лидер на Фатах, Махмуд Абас, и ја игнорираа Газа“, рекол висок претставник на Палестинската ослободителна организација, додавајќи дека лидерите на Хамас се почувствувале навредени поради фактот дека предлогот бил објавен без консултација со нив.

Портпаролот на Хамас и исламскиот џихад египетската иницијатива ја означите како капитулација, но сепак испратиле сигнал дека ја проучуваат истата.

Абас, како што е планирано, во среда треба да отпатува за Каиро каде треба да се сретне со египетскиот претседател Абдел Фатах ал Сиси.

Кабинетот на Абас најавил дека двајцата лидери ќе се согласат на египетскиот предлог за прекин на огнот кој требаше да стапи на сила во девет часот во вторникот по што требаше да започнат  преговори помеѓу двете страни.

Во четврток Абас ќе отпатува за Турција каде темата на разговор ќе биде иста, односно прекин на огнот./крај/мф/ап