Европа
Од Франција 930 лица во џихад во Ирак и Сирија
Нацрт законот со кој би се спречиле заминувања на потенцијални џихадисти на Блискиот исток во понеделник ќе се најде пред пратениците во Франција која објави дека 930 нејзини државјани учествуваат во џихадистичките групи во Ирак и во Сирија.
Со таквите законски прописи Франција, чиишто власти стравуваат дека нејзините државјани по враќањето од Сирија и од Ирак би можеле да станат извршители на атентати врз западноевропски цели, им се придружи на некои европски земји, меѓу кои е и Босна и Херцеговина од регионот, коишто воведуваат мерки за спречување на учеството на своите државјани во џихадот„Околу 930 француски државјани или странци кои се пријавени овде, се вмешани во џихадот во Сирија и во Ирак“, изјави францускиот министер за внатрешни работи Бернар Казанев за неделникот Le Journal du Dimanche. Според министерот од оваа бројка „350 се на лице место од кои 60 се жени“. За да се спречат таквите заминувања, нацртот од законот во Франција воведува административна забрана за напуштање на територијата на земјата што би се спроведувало со одземање на пасош или на личната карта. Забраната би се изрекувала на шест месеци со можност од продолжување „сѐ додека постојат сериозни причини“ за таквата намера, се наведува во текстот на францускиот предлог што го пренесува неделникот.Парламентарецот од редовите на француските еколози Франсоа д’Ружи стравува, пак, дека законот би можел да создаде категорија „наводни терористи“. Од друга страна, пак, француската десница предлага поостар закон со кој учеството во борбени дејствија во странство без дозвола од државата би се прогласило за кривично дело и на тие лица би им се „забранило враќањето“ во Франција.Нацрт законот предвидува и блокирање на интернет страници коишто го величаат тероризмот како што тоа е сторено со мрежните страници на коишто се разменуваат содржини со педофилска порнографија.Франција не е единствената европска земја којашто е соочена со ваквите предизвици. Босна и Херцеговина донесе во јуни измени во кривичниот закон според кој за учество во борби во странство на државјани на БиХ може да им се изрече затворска казна и до десет година. Велика Британија, исто така, разгледува мерки за спречување на заминувањата на своите државјани во џихад на Блискиот исток, а Германија во петокот донесе мерки во борбата против Исламската држава, забранувајќи на својата територија секаква активност на поддршка и пропаганда во полза на споменатата организација.Францускиот министер Казанев во интервјуто за Journal du Dimanche уште вели дкеа искуствата со повратниците од џихадот се различни. „Некои ја преземаат одговорноста за она што го сториле и велат дека се подготвени повторно да заминат да се борат. Други, пак, се разорени како личности од насилството и сите можни видови егзекуции на коишто присуствувале или во кои и самите учествувале, објаснувајќи дека повеќе не сакаат за заминат“, вели Казанев.Францускиот министер за внатрешни работи, исто така, предупреди на разорување на психата од таквите насилства – „кај лицата психолошки уништени од секојдневното екстремно насилство, отсекување на глави или други варварства, паѓаат сите морални брани“./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.