Европа
Околу 20 убиени цивили во Донецк, под оган и набљудувачи на ОБСЕ
Најголемото упориште на проруските бунтовници во источна Украина, градот Донецк и покрај договорениот прекин на огнот во неделата бил гаѓан во 38 наврати од страна на силите лојални на прозападната влада во Киев, при што загинале околу 20 цивили, а други 24 се ранети, изјавил премиерот на самопрогласената Народна Република Донецк, Александр Захарченко, пренесува РИА Новости за која извор од ОБСЕ, рекол дека група набљудувачи на организацијата биле под оган исто така во близина градот.
„Група од пет набљудувачи во Кировскиот реон на Донецк попаднала под оган. Никој не настрадал. Оштетено е возилото со коешто се превезувале“, изјавил за агенцијата неименуван претставник на набљудувачката мисија за Украина на Организацијата за безбедност и соработка во Европа (ОБСЕ).Засега нема официјална потврда за оваа информација, ниту извештаи за тоа од чии позиции дошле истрелите кон набљудувачите на ОБСЕ.Претходно медиумите јавуваа дека и покрај прекинот на огнот потпишан на 5-ти септември во белоруската престолнина Минск кој досега главно се почитуваше, во неделата неколку часа украинските владини сили стационирани на аеродромот крај Донецк отвориле интензивен артилериски оган кон градот и позициите на проруските милиции. „Од утрината Донецк беше гаѓан околу 38 пати. Денеска досега во Донецк загинаа околу 20 цивили, тешко се ранети шестмина, а со рани од средна и полесна тежина се здобија 18 луѓе“, изјави Захарченко за каналот LifeNews одговарајќи на прашањето дали се почитува прекинот на огнот. „Гранатирањето од страна на украинските сили врз станбените населби има само една цел – ние да отвориме оган. Бидејќи ние се придржуваме до договореното во Минск, станува збор за обид на киевските власти да претстават дека ние пукаме врз нив – тоа е провокација. Сиве овие гранатирања се провокации во коишто гинат цивили“, додаде Захарченко.Претходно во неделата според една од 12-те точки од договорот во Минск, беше извршена размена на воените заробеници при што Киев предаде 69 припадници на бунтовничките сили, додека ослободени беа 73 украински војници иако според договорот размената треба да се одвива по формулата „сите за сите“.Според Захарченко, бунтовниците држат во заробеништво околу 600 украински војници а не стотина, како што соопшти украинскиот претседател Петро Порошенко. /крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.