Спорт
Баршим скокна највисоко, крај на златната низа на Перковиќ, луд финиш на стиплчезот (видео)
Мутаз Еса Баршим го донесе првото злато за Катар на осмиот ден од Светското првенство во оваа азиска земја, откако доминираше во скокот со далечина, победувајќи двајца Руси на патот до златото.
Баршим пропушти цела сезона поради повредата на скочниот зглоб во 2018 година во обид да го сруши вечнниот рекорд на Хавиер Сотомајор (2.45 метри), но по операцијата се врати уште посилен.
Тој успеа да стигне до златото со височина од 2.37, додека на двајцата Руси (кои настапуваа под неутрално знаме), Михаил Акименко и Иља Ивањук им беше потребен личен рекорд од 2.35 за да го освојат среброто, односно бронзата.
Wow. JUST WOW!!! #WorldAthleticsChamps pic.twitter.com/bSd7Y4vKMt
— Athletics World (@Athletics_World) October 4, 2019
Ако Баршим ја продолжи победничката низа на големите натпреварувања, Хрватката Сандра Перковиќ не успеа во тоа, откако мораше да се задоволи со бронза во фрлањето диск, прекинувајќи ја златната низа која траеше од 2015 година.
Нова светска шампионка е Кубанката Јаиме Перез со далечина од 69.17 метри, додека среброто го освои уште една Кубанка, Денија Кабалјеро со 66.84, а Перковиќ се задоволи со скромни 66.72 метри, поставени во првата серија.
Во трката на 400 метри, Стивен Гардинер од Бахамите постави личен рекорд од 43.48 за изненадувачки да стигне до златото пред Колумбиецот Антони Хозе Замбрано, додека фаворизираниот Американец, Фред Керли заврши со бронзата.
Во фантастичната вечер во Доха, најлуда завршница донесе трката на 3.000 метри стиплчез, каде што обично победникот се знае пред последниот круг. Кениецот Консеслус Кипруто ја одбрани светската титула во неверојатен спринтерски финиш со Етиопјанецот Ламеча Гирма, кому му недостасуваа милиметри за да стане светски шампион.
WOW!
what a race! photo finish decided the winner
WORLD ATHLETICS CHAMPIONSHIPS, DOHA 2019
3000 METRES STEEPLECHASE MEN FINALS
? Conseslus KIPRUTO??
? Lamecha GIRMA ??
? Soufiane EL BAKKALI ??#IAAFDoha2019 #IAAFWorldAthleticsChampionships #WorldAthleticsChamps pic.twitter.com/ZFl0Gs9vzD— Data sets Metatag (@SportsMetatag) October 4, 2019
СП КАТАР 2019
400 МЕТРИ (М)
1.Стивен Гардинер (Бах) 43.48
2.Антони Хозе Замбрано (Кол) 44.15
3.Фред Керли (САД) 44.17
СКОК ВО ВИСОЧИНА (М)
1.Мутаз Еса Баршим (Кат) 2.37 м
2.Михаил Акименко (Рус) 2.35 м
3.Иља Ивањук (Рус) 2.35 м
ФРЛАЊЕ ДИСК (Ж)
1.Јаиме Перез (Куб) 69.17 м
2.Денија Кабалјеро (Куб) 68.44 м
3.Сандра Перковиќ (Хрв) 66.72 м
3.000 МЕТРИ СТИПЛЧЕЗ (М)
1.Консеслус Кипруто (Кен) 8:01.36
2.Ламеча Гирма (Ети) 8:01.36
3.Суфијан Ел Бакали (Мар) 8:03.76
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.