Сојузното државно обвинителство во Карлсруе, надлежно за внатрешната безбедност на Германија, разгледува дали во неговиот делокруг влегува случајот на 16-годишниот сириски бегалец кој е уапсен во Келн под сомневање дека планирал терористички напад, објавено е во четвртокот. 

„Во постојан контакт сме со властите во Келн за да утврдиме дали кривичното дело за кое уапсениот се товари е во нашата надлежност“, соопшти Сојузното државно обвинителство во чијашто надлежност се сите терористички дела во Германија.

Полицијата во Келн, којашто момчето го привела во вторникот, и натаму тргнува од тоа дека младиот бегалец од Сирија подготвувал бомбашки напад.

„Уапсениот имал контакти со лица во странство кои се припишуваат на кругови на Исламската држава“, се наведува во соопштението на полицијата. Исто така, по анализата на интернет комуникацијата на уапсениот утврдена е „недвосмислена намера“ за извршување терористички напад.

„Од контактирано лице во странство, осомничениот примил прецизни упатства за составување експлозивна направа“, се заклучува во соопштението на полицијата на Келн.

Истовремено, демантирани се пишувањата на некои медиуми, според коишто осомничениот имал конкретни цели за напад.

Шеснаесетгодишниот сириски бегалец заедно со родителите на почетокот од годинава пристигнал во Германија и бил сместен во еден од центрите за прифаќање на барателите на азил во Келн.

Властите започнале да го следат младиот бегалец по анонимна дојава од џамијата во којашто редовно одел, бидејќи на другите членови на заедницата им била загрижувачка „ненадејното радикализирање“ на младиот верник.

На мобилниот телефон на осомничениот се пронајдени и повици од „лица од странство“ кои младиот Сириец се обидувале да го натераат да отпатува во „Палестина и Сирија“ за да се бори на страната на Исламската држава.

Ви јули во германската сојузна покраина Баварија се изведени два терористички напада кои ги изведоа млади бегалци во контакт со џихадистичката групација, ткн Исламската држава./крај/мф/сн

Извор: Hina