Црна хроника
Бугарка украла паричник во автобус на ЈСП
Дваесет и тригодишна бугарска државјанка во петокот во автобус на ЈСП ја искористила гужвата и украла паричник од чанта на една патничка.
Н.С.Т. од Бугарија на 28-ми овој месец во попладневните часови се качила во автобус на ЈСП, ја искористила гужвата и невниманието на една патничка и со протнување на рака во чантата што жената ја носела на рамото, украла паричник во кој имало пари, еден пар златни обетки и лични документи.
По извршената кражба Н.С.Т. се упатила кон предната врата на автобусот за да излезе, меѓутоа жената забележала дека и е украден паричникот при што еден од патниците кој стоел до неа и покажал кон Н.С.Т. дека истата и го украла. Оштетената се упатила кон предната врата и го побарала паричникот од пријавената, а таа го фрлила на подот и одговорила дека паричникот не се наоѓа кај неа.
Во меѓувреме друг патник ја пријавил кражбата во полиција и по доаѓањето на полициските службеници Н.С.Т. била симната од автобусот, приведена во полициска станица, а против неа е поднесена кривична пријава заради постоење основано сомнение дека извршила кривично дело „кражба”.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.
Црна хроника
Пожар во Дом за стари лица во струмичко Банско, нема повредени
Пожар синоќа избил во Дом за стари лица во село Банско, Струмичко. Нема повредени лица, предизвикана е само материјална штета, соопшти Центарот за управување со кризи (ЦУК).
Според Регионалниот центар за управување со кризи – Струмица, пожарот бил пријавен околу 23.30 часот. Во гаснењето на пожарот интервенирале седум пожарникари со две противпожарни возила. Пожарот целосно е изгаснат во 50 минути по полноќ.
– Прво биле евакуирани лица од катот каде што бил пожарот, потоа од долните катови. По целосното гаснење на пожарот, евакуираните лица полека се вратени на местата, собите од каде што биле евакуирани. Причината за пожарот и материјалната штета дополнително ќе бидат утврдени, појаснуваат од ЦУК.
Во денешното соопштение се наведува и дека изминатото деноноќие имало вкупно 1.759 повици на единствениот повикувачки број за итни случаи – 112 во ЦУК.
Црна хроника
Притвор за осомничен за спречување на полициски службеници да фатат побегнат затвореник
Основното јавно обвинителство Кавадарци поведе постапка против 18-годишник за кого постои основано сомнение дека сторил кривично дело – Спречување службено лице во вршење службено дејствие од член 382 став 3 во врска со став 2 и став 1 од Кривичниот законик.
На 2 мај, во куќа на улицата “Димката А. Габерот” во Кавадарци, двајца инспектори од МВР преземале службено дејствие – фаќање побегнат затвореник од КПУ Гевгелија, кој бил роднина на сега осомничениот.
Затвореникот давал отпор при обидот да биде лишен од слобода за доизвршување на затворската казна, во што сега осомничениот го поддржал, се нафрлил врз еден од полициските службеници, го влечел и го гребел, нанесувајќи му телесни повреди.
Затвореникот успеал да се ослободи и да побегне, но подоцна бил фатен и вратен во затворот. Осомничениот исто така избегал во прв момент, но бил лишен од слобода, а по предлог на јавниот обвинител, Основниот суд во Кавадарци му определи притвор во траење од осум дена.