Црна хроника
Грчки државјанин оштетил царинска пломба

Царинските службеници на граничниот премин Богородица при преглед на товарно моторно возило пријавено за излез од државата, открија оштетување на царинска пломба што претставува кривично дело казниво по закон.
На 4 февруари при преглед на товарно моторно возило со бугарски регистерски ознаки, управувано од грчки државјанин со иницијали Д.Г., царинските службеници открија оштетување на царинско обележје што претставува кривично дело „Симнување или оштетување на службен печат или знак“ казниво по Кривичниот законик.
Имено, осомничениот претходниот ден на влез во Македонија на граничниот премин Богородица се пријавил со возило натоварено со минерална вода наменета за краен корисник од Германија и отпочнал транзитна постапка која што требало да ја заврши на граничен премин Табановце.
На неколку километри пред Табановце, на бензиска пумпа, осомничениот го запрел возилото каде со употреба на физичка сила и рачен алат ја оштетил царинската пломба, потоа наместо да го продолжи движењето кон Табановце, завртел во обратен правец и повторно се вратил на Богородица, но сега на излез од Македонија. Царинските службеници при прегледот на возилото забележаа дека царинската пломба е оштетена, односно била на место предвидено за пломбирање, но истата била скината.
При повторно мерење на возилото констатирано е дека има разлика во тежина од 2440 килограми, односно недостигаат 5 палети од вкупно пријавените 27 со вода за пиење пакувана во пластични шишиња.
Одделението за истраги при Царинска управа го известила Основното јавно обвинителство – Гевгелија од каде добила упатства дека постои основано сомнение за сторено кривично дело, да се задржи осомничениот и возилото и да се поднесе кривична пријава до ОЈО Гевгелија.
По изготвената кривична пријава, осомничениот е предаден на Основниот суд во Гевгелија каде во предистражна постапка судијатата донесе решение со кое определи мерка притвор во траење од 8 дена поради постоење на основано сомнение дека сторил кривично дело „Симнување или оштетување на службен печат или знак “./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична против полицаец од Интервентна поради поткуп

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција Скопје, во соработка со Одделот за сузбивање на организиран и сериозен криминал при МВР поднесе кривична пријава против А.Б. на работно место виш полицаец во Единица за интервентна полиција при СВР Скопје, поради постоење основи на сомнение дека сторил кривично дело „давање поткуп“ по член 358 став 1 од КЗ.
Според документираните сознанија, пријавениот во текот на февруари и март годинава посредувал кај друг полициски службеник вработен на ГП Долно Блаце, односно понудил и дал поткуп со цел полицискиот службеник да не ја изврши својата службена должност, односно да не евидентира влез во државава на македонски државјанин на ГП Долно Блаце, така што од негова страна евидентиран е турски државјанин. Пријавениот е лишен од слобода и задржан во полициска станица, а од страна на Основниот кривичен суд Скопје изречена му е мерка претпазливост и забрана за вршење на дејност. Воедно ОВККИПС против А.Б. ќе поднесе и предлог за поведување на постапка за кршење на работниот ред и дисциплина.
Црна хроника
25-годишник од Велес со тешки повреди пренесен во болница: управувајќи мопед, паднал на коловозот

Вчера во 22:15 часот во СВР Велес е пријавено дека на улицата „Васил Ѓоргов“ во Велес, 25-годишниот К.П. од Велес управувајќи мопед со скопски регистарски ознаки, паднал на коловозот.
Во несреќата со тешки телесни повреди се здобил К.П., констатирани во Општата болница Велес. Извршен бил увид од СВР Велес.
Црна хроника
При градежни активности на имот во Кисела Вода била оштетена цевка од гасовод, при што имало истекување гас

Вчера во 11:37 часот во СВР Скопје било пријавено дека при ископ и вршење градежни активности на имот на правно лице на булеварот „Борис Трајковски“, на подрачје на Кисела Вода во Скопје, била оштетена цевка од гасовод, при што имало истекување на гас.
Полициски службеници од ЕВР Кисела Вода и инспектор за животна средина излегле на местото и било констатирано дека од страна на фирмата „Нома гас“ биле исклучени вентилите и појасниле дека на местото нема присуство на гас.
Увид бил извршен и по целосно документирање на случајот, ќе биде поднесена пријава по член 291 од Кривичниот законик – „уништување или оштетување на јавни инсталации“.