Црна хроника
Од цел ’голф’ му го вратиле само моторот
Секретаријатот за внатрешни работи Скопје, поточно Единицата за општ криминал во саботата до надлежното Основното јавно обвинителство поднесе кривична пријава против 58-годишниот Н.Ш. од селото Оризари, во општината Липково и 71-годишниот Т.Ж. од Скопје поради основано сомнение дека извршиле едно кривично дело „тешка кражба“.
Секретаријатот за внатрешни работи Скопје, поточно Единицата за општ криминал во саботата до надлежното Основното јавно обвинителство поднесе кривична пријава против 58-годишниот Н.Ш. од селото Оризари, во општината Липково и 71-годишниот Т.Ж. од Скопје поради основано сомнение дека извршиле едно кривично дело „тешка кражба“.
Од страна на судија во претходна постапка на Т.Ж. му е одредена мерка притвор во траење од 8 дена, а додека Н.Ш. во моментот е недостапен на органите на прогонот.
Пријавениот Н.Ш. откако на 9-ти октомври на територијата на скопската општина Центар, поточно во населба Крњево зад универзитетскиот комплекс, забележал паркиран автомобил „голф 4“ и откако се уверил дека нема да биде забележан од никој, на засега непознат начин, прво го отворил заклученото возило, го стартувал моторот и се упатил кон плац (отпад), за кој подоцна е утврдено дека работи на црно, лоциран во скопското село Петровец, сопственост на пријавениот Т.Ж.
Потоа, украденото возило двајцата веднаш го растуриле со намера да го продаваат во делови. Притоа, еден дел од деловите на возилото ги продале на непознати лица, а шасијата од возилото ја исекле на парчиња и ја продале за старо железо.
На 24-ти ноември, со претходно обезбедена Наредба од судија на претходна постапка, извршен е претрес во отпадот кога е откриено и одземено поголемо количество автомобилски делови од повеќе растурени возила за кои постои сомневање дека исто така биле украдени. Исто така. пронајден и одземен е еден демонтиран (расклопен) мотор од „голф серија 4“ за што, по извршеното вештачење, утврдено е дека потекнува од кражбата пријавена во Крњево, и му е вратен на оштетениот.
Пријавениот Т.Ж. е приведен во просториите на ПС за ОН Гази Баба и извршен е разговор при што тој изјавил дека Н.Ш. во текот на првата половина од годинава се запознале во затворот „Скопје“, каде и двајцата биле на издржување казна затвор и оттаму потекнувал договорот за извршување на овие кривични дела, соработка при одземање на моторни возила, растурање на делови и продажба, како и договор Т.Ж. да ги задржува шасиите од возилата.
Исто така, при претрес во отпадот пронајдени и одземени се една тетратка и два бележника во кои Т.Ж. запишувал дел од продадените предмети, цена по која се продавани, како и колку парични средства треба да поделат со Н.Ш., од што е утврдено дека се стекнале со противправна имотна корист од 280 илјади денари.
Инаку во изминатиот период против пријавените се поднесувани кривични пријави, и тоа против Н.Ш. во временскиот период од 2000 до 2014 година му се поднесени шест кривични пријави од областа на имотните деликти (тешка кражба, одземање моторно возило и прикривање), две од областа на кривични дела против безбедноста на јавниот сообраќај и една од областа на кривични дела против правниот сообраќај (фалсификување исправа), а против Т.Ж. во временскиот период од 1996 до 2013 година поднесени му се 17 кривични пријави, и тоа 15 од областа на имотните деликти (тешки кражби, одземање моторно возило и затајување), една од областа на кривични дела против општата сигурност на луѓето и имотот (предизвикување општа опасност) и една кривична пријава од областа на кривични дела против слободите и правата на човекот и граѓанинот (загрозување на сигурноста)./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Три лица, меѓу кои и полицаец, осомничени за разбојништво и противправно лишување од слобода
Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.
Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.
Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.
Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.
Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.
Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.
Топ
Уапсени крадци на автомобили – ги расклопувале за делови
Единицата за внатрешни работи Центар и Бит Пазар при СВР Скопје поднесе кривична пријава против Ш.Н.(68) од Липково, поради постоење основи на сомнение за сторени 4 кривични дела „одземање на моторно возило“, од кои три на подрачјето на скопски Центар и едно на подрачјето на општина Аеродром, како и против Ф.Љ.(22) од Скопје, поради постоење основи на сомнение за сторено кривични дело „помагање“.
Имено, првопријавениот кривичните дела ги извршил во последните два месеца, така што со употреба на физичка сила и погоден алат ги отворал бравите од возилата, ги одземал возилата и ги предавал на второпријавениот, каде што возилата биле расклопувани и продавани за делови.
Полициски службеници со судска наредба извршиле претрес на локација, сопственост на Ф.Љ., каде биле пронајдени поголема количина делови од возила кои потекнуваат од кривичните дела. Известен бил Јавен обвинител, а од страна на Судија на претходна постапка на Ш.Н. му е одредена мерка притвор.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.