Притвор за директорот на здравствениот дом Охрид и двaјца негови соработници кои се товарат за финансиски криминал тежок повеќе од 7,5 милиони денари. Двајцата соработници се уапсени, додека директорот е во бегство и по него е распишана потерница.

Управата за финансиска полиција поднесе кривична пријава против нив за „Проневера во службата“, „Поттикнување“, „Помагање“ и „Фалсификување или уништување на деловни книги“. Финансиската полиција извршила контрола на благајничкото работење и сметководствената евиденција на здравствениот дом за периодот од 2010 до 2014 година.По извршените споредби на реализираниот промет од фискалните каси со уплатените парични средства во благајната, како и уплатените парични средства на банкарската сметка на Здравствениот дом Охрид, констатирано е дека прометот извршен преку фискалниот апарат редовно се предава во благајната, но така извршениот промет и предадените парични средства наплатени од пациентите, не биле уплатувани на банкарската сметка на Здравствениот дом Охрид. При контролата на сметководствената евиденција и документација на Здравствениот дом Охрид, констатирано е дека третопријавената, вработена како шеф на сметководство во оваа здравствената институција, за да ги прикрие трагите на криминалот што бил очигледен, само дел од финансиската документација ја евидентирала во сметководствената евиденција на болница.Криминалот започнал во 2010 година по наредба на директорот, а соработникот секој ден усно го известувал директорот за вкупниот дневен промет и добивал задача колкав дел од прометот да го уплати на банкарската сметка на Здравствениот дом, а остатокот од дневниот промет  му го давал лично на рака на директорот кој парите од пациентите си ги користел за задоволување на своите лични потреби. Финансиската полиција утврди дека во периодот 2010-2014 година во Здравствениот дом во Охрид проневерени се вкупно 7.565.302,00 денари за кој износ ќе одговараат трите пријавени лица./крај/мф/