Спорт
Ерера: Некогаш фудбалот во Јунајтед не беше приоритет
Андер Ерера во едно интервју говорел за животот во Париз и се потсетил на деновите во Манчестер Јунајтед.
Поранешниот играч на Атлетик Билбао летово како слободен играч од Манчестер Јунајтед се пресели во Пари Сен Жермен. Ерера бил изненаден од високото фудбалско ниво во новиот клуб.
„Искрено бев среќен во Манчестер Јунајтед. Но имав чувство во некои моменти дека фудбалот во клубот не е најважната работа. Не знам како да го објаснам тоа. Едноставно изгледаше дека фудбалот не е прв приоритет во Јунајтед. Не сакам да ги споредам двата клуба, но имам чувство дека во Париз буквално го дишам фудбалот“, рекол Ерера.
„Не можам да зборувам какви биле ПСЖ претходно, но она што го гледам сега е дека овде се се врти околу фудбалот. Сакам да го кажам ова за луѓето од надвор кои ја гледаат само гламурозната страна на приказната. Овде сите работиме напорно, тренираме и се подготвуваме“, заклучил Ерера.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мурињо стигна во Истанбул, на чекор е oд Партизан
Португалскиот фудбалски стручњак Жозе Мурињо и официјално стана нов тренер на Фенербахче.
Двегодишниот договор Мурињо го потпиша пред неколку десетици навивачи на стадионот на Фенербахче „Шукур Сарачоглу“ во Истанбул.
„Сакам да ви се заблагодарам за љубовта што ја чувствував од првиот момент кога моето име првпат се поврзуваше со Фенербахче. Обично тренерот се сака по победата, но во овој момент чувствувам дека сум сакан уште пред да победам. Тоа е голема одговорност. Од овој момент припаѓам на семејството на Фенербахче“, изјави Мурињо, а пренесува „Скај Спорт“.
🟡🔵 Jose Mourinho, Fenerbahçe taraftarını selamladı! #beINSPORTS pic.twitter.com/adl2fXeCKy
— beIN SPORTS Türkiye (@beINSPORTS_TR) June 2, 2024
Во својата тренерска кариера Мурињо од клупата ги водеше Порто, Челзи, Интер, Реал Мадрид, Манчестер Јунајтед, Тотенхем и Рома.
Како тренер освои две Лиги на шампиони (Порто, Интер), две Лига Европа (Рома, Манчестер Јунајтед) и Конференциска лига (Рома), а освои и трофеи во првенствата на Шпанија (Реал Мадрид), Англија (Челзи), Португалија (Порто) и Италија (Интер).
Со Фенер ќе играат во квалификациите за Лигата на шампионите, а во второто коло ќе играат против српскиот претставник Партизан или швајцарски Лугано.
Спорт
Грците со Адетокумбo во составот во борбата за Париз
Кошаркарската репрезентација на Грција со полни сили ќе настапи на квалификацискиот турнир во Атина за пласман на Олимписките игри.
Главната ѕвезда на репрезентацијата Јанис Адетокумбо го потврди своето учество и ќе му биде на располагање на селекторот за решавачките игри кои можат да им донесат на Грците пласман на Олимписките игри.
Покрај Адетокумбo меѓу Грците ќе бидат и Митоглу, Папаџанис, Папаниколау, Папапетроу, Слукас и многу други.
Грција за виза за Париз ќе се бори со претставниците на Доминиканската Република Словенија, Хрватска и Нов Зеланд.
Спорт
Доминација на Бањаја во Муџело
Франческо Бањаја, актуелниот сбетски првак го комплетираше совршениот викенд на трката за Големата награда на Италија. Пеко вчера победи во спринтот, а попладнево беше најдобар и во главната трка. Извонредниот викенд на Дукати на домашен терен во Муџело го надополни вториот возач Енеа Бастијанини во спектакуларен финиш дојде до втрата позиција.
бањаја ГН на Италија ја започна од петтата позиција, но имаше фантастичен старт и се проби до првата позиција по само три свиоци. Најголемиот ривал на Бањаја, Хорхе Мартин, го следеше во текот на целата трка.
Долго време водеа Бањаја, Мартин и Маркез, а ги следеа Бастианини и Акоста и се чинеше дека трката така ќе заврши. Сепак, спектакл на крајот приреди Енеа Бастианини.
На четири круга до крајот го престигна Маркез, а во последниот свиок успеа да излезе и пред Мартин.
На крајот Бањаја беше прв, а топ 15 ги комплетираа Бастианини (Дукати), Мартин (Прамак), Марк Маркез (Гресини), Акоста (ГасГас), Морбидели (Прамак), Ди Џанантонио (ВР46), Вињалес (Априлија), Алекс Маркез (Гресини), Биндер (КТМ), Алеиш Еспаргаро (Априлија), Фернандез (Трехаус Рејсинг), Бецеки (ВР46), Оливеира (Трехаус Рејсинг), Ринс (Јамаха).