Европа
Бакингем негира вмешаност на принцот Ендрју во сексуално насилство
Бакингемската палата во петокот ја негираше секоја вмешаност на принцот Ендрју во наводен сексуален скандал во Америка, кој избувна откако неговото име беше споменато во документите на еден од тамошните судови.
Името на британскиот принц Ендрју се споменува во изјавата на една жена во судска постапка на Флорида против финансиски магнат Џефри Епштејн, обвинет дека во 2008 година сторил сексуално злосторство. Жената изјавила дека Епштејн во периодот меѓу 1999 и 2002 година ја терал на сексуален чин со принцот, додека била малолетна.
Американскиот банкар Џефри Епштајн, според документите на судот на американската сојузна држава Флорида, ја нудел тогаш 17-годишната девојка за сексуално задоволување на неговите пријатели, вклучително и за вториот според возраста син на британската кралица Елизабета Втора. Принцот Ендрју и претходно беше обвинуван дека имал контакти со жртвите на Епштајн и најверојатно знаел за нивната сексуална експлоатација.
Бакингемската палата соопшти дека ја отфрла „секоја назнака за несоодветен однос со малолетници“, како и дека нема да ги коментира поединостите од судската постапка.
„Тоа се однесува на граѓанската парница којашто е веќе долго во тек во САД, во којашто војводата од Јорк не е странка. Затоа нема да коментираме поединости. Меѓутоа, за да се избегнат сомневањата, сите алузии за недолично однесување со малолетници се целосно невистините“, изјави портпаролката на Бакингемската палата, пренесе BBC.
Жената изјавила дека била принудувана да има сексуални односи со принцот во Лондон, Њујорк и на приватниот остров на Епштајн на Карибите.
Принцот Ендрју и порано беше цел на критики во британските медиуми поради пријателството со Епштајн. Беше фотографиран со него во декември 2010 година, кога Епштајн отслужуваше 18-месечна затворска казна поради наговорување малолетник на проституција, а принцот со години го посетуваше во неговиот дом на Флорида.
Епштајн признавајќи го фактот дека имал сексуална врска со 14-годишно девојче, во 2008 година беше осуден на 18 месеци затвор, од кои одлежа 13 месеци. Во 2011 година принцот Ендрју во јавноста негираше дека имал сексуални односи со „девојките на Епштајн“,/крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.