Црна хроника
Фатен охридски крадец
Охридски крадец, кој провалувал во куќи во Охрид, е фатен, а против него е поднесена кривична пријаа соопшти СВР Охрид.
Имено, поради постоење основано сомнение за сторени девет тешки кражби и една кражба, СВР Охрид поднесе две кривична пријава против Б.И. (24) со привремено живеалиште во Охрид.
Пријавениот, кривичните дела ги извршил во првата половина на овој месец со насилно кршење на вратите и прозорците од куќи и станови во Охрид.
Тој скршил пластични ролетни, и влегол во две куќи на улицата „Дејан Војвода“ чии сопственици се наоѓале во Швајцарија од каде одзел сребрени алки и златен накит.
Со кршење стакло од прозорецот на приземјето, Б.И. влегол во куќа на улицата „Лазо Трпоски“, извршил пребарување и одзел ДВД плеер, машина за шишање, туш батерија и една чешма.
Пријавениот искористил згодна прилика, незаклучена влезна врата, и влегол во куќа на улицата „Славеј планина“, извршил пребарување и од спалната соба одзел лап-топ компјутер.
Качувајќи се на балконите, пријавениот Б.И. влегувал во станови на булеварот „Туристичка“ и „Богомилска“ од каде одзел пари, австралиски монети, златен накит, еден нож и други поситни предмети.
Златните предмети ги продавал во златари во Струга, а другите предмети низ пазарите во Скопје. На тој начин Б.И. се стекнал со против-правна имотна корист од 70.000 денари.
Дел од одземените предмети заедно со една патна исправа, се пронајдени при претрес што полициските службеници го извршија во неговиот дом по што, од страна на оштетените лица во присуство на Јавен обвинител, извршено е препознавање на пријавениот. /крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.