Европа
Во Брисел донаторска конференција за Србија и БиХ
Во среда во Брисел ќе биде одржана голема Донаторска конференција за отстранување на последиците од катастрофалните поплави, кои во мај ги погодија Србија и Босна и Херцеговина (БиХ), а најавено е присуството на бројни претставници од меѓународните институции и организации од Европа и светот, пренесува Танјуг.
Српската делегација ќе биде предводена од српскиот претседател Томислав Николиќ, на чија иницијатива се организира оваа конференција. Српската министерка задолжена за ЕУ, Јадранка Јоксимовиќ изјавила дека очекува да бидат собрани значајни средства за отстранување на последиците од мајските поплави, и истакнала дека досега Србија добила најголема помош од ЕУ.
„Очекуваме дека билатералните донатори, а и сите други кои сакаат да помогнат, во однос на списокот на нашите потреби ќе реагираат и ќе ни помогнат на најдобар начин да ја пребродиме кризата после поплавите, која за нас е пред се тешка во економска смисла“, изјавила Јоксимовиќ.
Таа навела дека донаторската конференција во седиштето на Европската комисија, која е организирана од Франција и Словенија, има големо политичко и симболично значење, но дека пред се важно е собирањето на средствата, односно барањето на дополнителната помош за санација на тешките последици од поплавите.
Јоксимовиќ додала дека Србија досега успеала преку пренамена на ИПА фондовите од 2012 година да овозможи 30 милиона евра средства за санација, од оние од 2013 година околу 10 милиона, а добила и зелено светло од фондовите за 2014 година да издвои околу 50 милиони евра.
Српската министерка исто така најавила дека до еврокомесарот за регионални односи, Јоханес Хан, ја приложила завршната верзија за апликацијата до Фондот за солидарност, и дека од таму земјата може да очекува околу 40 до 50 милиони евра./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.
Европа
Во Швајцарија ќе се одржат мировни преговори за Украина, Русите не доаѓаат
Швајцарската влада денеска соопшти дека во оваа фаза Русија не е меѓу 160-те делегации поканети на мировните преговори за Украина што ќе се одржат во Швајцарија во средината на јуни.
„Швајцарија е убедена дека Русија мора да биде вклучена во тој процес“, соопшти швајцарската влада. „Мировниот процес не е можен без Русија“.
Швајцарската влада соопшти дека отсекогаш била отворена за поканата на Русија, но Москва постојано нагласувала дека не е заинтересирана за учество на првиот самит.
Руските власти истакнуваат дека Швајцарија усвоила европски санкции против Москва поради инвазијата на Украина и затоа нема кредибилитет како неутрален посредник.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.