Црна хроника
Македонец сакал да изнесе 25.000 евра од земјава

Царинските службеници од граничниот премин „Богородица“, во четвртокот спречија обид за нелегално изнесување на 25 илјади евра.
Околу 22 часот во четвртокот, на граничниот премин „Богородица“ за излез од Република Македонија се пријавило лице со македонско државјанство, возач на празен -ладилник, сопственост на фирма од Арачиново. Возилото и возачот биле селектирани за детална контрола.
При личен претрес на возачот, во внатрешниот џеб од јакната пронајдени се 13.000 евра, а помеѓу панталоните и појасот, пронајден е уште еден пакет со 12.000 евра, односно вкупно 25 илјади евра.
Во текот на службениот разговор, возачот изјавил дека парите не се негови, туку му биле дадени од газдата да ги предаде на фирмата каде што требало да товари зеленчук и дека не знаел колку пари има во пакетите.
Согласно Законот за девизно работење вратени му се 770 евра за кои изјавил дека се негови пари, а останатите 25.000 евра се привремено задржани.
Против лицето е покрената прекршочна постапка./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична за полицаец од Скопско: возел со 1,65 промили алкохол во крвта, на полна линија му го пресекол патот на друг возач

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство Скопје, поднесе кривична пријава против Л.Д.(26) од с.Зелениково, скопско, поради постоење основи на сомнение за сторено кривично дело „безобѕирно управување со моторно возило“ по член 297-а од Кривичниот законик.
Пријавениот Л.Д.- полициски службеник во Сектор за известување и координација на состојби во МВР, на 21.04.2025 на подрачје на Кисела Вода во Скопје, пријавениот управувал возило со 1,65 промили алкохол во крвта и поминувајќи на полна линија го пресекол патот на друго патничко возило и на тој начин ја загрозил личната и безбедноста на возачот и патниците од другото возило. А откако запреле тој упатувал закани на другиот возач и удирал по неговотот возило.
Одделот за внатрешна контрола, криминалистички истраги и професионални стандарди против полицискиот службеник Л.Д. поднесе предлог за поведување на постапка за утврдување на одговорност за кршење на работната дисциплина.
Црна хроника
Тешко повреден велосипедист од Штип: во него удрил мопед и побегнал

Ноќеска околу 20.00 часот во СВР Штип било пријавено дека на магистралниот пат Радовиш-Штип се случила сообраќајна несреќа помеѓу велосипед управуван од Д.Т.(40) од Штип и мопед, по што возачот со мопедот го напуштил местото на настанот.
Со тешки телесни повреди се здобил велосипедистот, констатирани во Клиничката болница Штип.
Извршен бил увид од увидна екипа од СВР Штип и се преземаат мерки за расчистување на случајот.
Црна хроника
Прегазена 68-годишна жена од Скопје

Во СВР Скопје синоќа околу 19.15 часот било пријавено дека на ул.„Лука Геров“ во Скопје, патничко возило „ауди“ со скопски регистарски ознаки, управувано од В.Б.(70) од Скопје, удрило во пешакот М.С.(68) од с.Волково, скопско.
Во несреќата со тешки телесни повреди се здобила М.С., констатирани во Градската општа болница „Св.Наум Охридски“.
Извршен бил увид од увидна екипа од СВР Скопје.