Црна хроника
Момче нападнато во Гостивар по прекинат ракометен натпревар меѓу македонска и албанска екипа
Момче од Гостивар било нападнато на кејот од Вардар кај гостиварската болница, откако бил прекинат ракометниот натпревар меѓу две гостиварски екипи „Вардар Полог“, и „Јехона“, соопштува СВР Тетово.
Само што почнал спортскиот натпревар околу 15.30 часот бил прекинат кога навивачките екипи „гемиџии”, навивачи на македонскиот тим „Вардар Полог” и „кастриоти”, поддржувачи на албанскиот тим „Јехона” почнале да викаат, да се навредуваат и фрлаат пиротехнички средства.
Салата веднаш била испразнета, а по натпреварот во полициската станица во Гостивар, осумнаесетгодишното момче со татка си пријавило дека било нападнато.
Момчето од населбата Дудлог, од каде доаѓаат „гемиџиите”, во полиција тврдело дека го пресретнале седум, осум лица, но тој почнал да бега. Тројца го стиггнале и го нападнале.
Според неговите тврдења, се претпоставува дека напаѓачите биле членови на навивачката екипа „кастриоти”.Гостиварецот немал сериозни повреди, единствено имал гребнатинки на рацете. Побарал лекарска помош во гостиварската болница и веднаш бил пуштен дома. Полицијата работи на расветлување на случајот./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен маж од Неготино, ја вознемирувал поранешната партнерка
Неготинец бил лишен од слобода поради непочитување на судска мерка и вознемирување на поранешна партнерка, информираа денеска од СВР Велес.
„Вчера во 16.00 часот полициски службеници од ОВР Неготино го лишиле од слобода З.М.(42) од Неготино, постапувајќи по претходна пријава од страна на неговата поранешна 37-годишна партнерка од тој град. Според пријавеното, З.М. не го почитувал решението од Основен суд Неготино со мерка забрана за приближување, дошол во нејзиниот дом и по кратка расправија скршил прозорец од домот. З.М. бил задржан во полициска станица, известен бил јавен обвинител и по документирање на настанот против него ќе биде поднесен соодветен поднесок“, соопштија од СВР Велес.
Црна хроника
Скопјанец почина косејќи трева во двор, го усмртил струен удар
Вчера во 20.45 часот во СВР Скопје било пријавено дека во двор од семејниот дом на подрачјето на Бит Пазар, додека В.П.(66) од Скопје косел трева со импровизирана косилка, се здобил со струен удар и починал.
Од страна на лекар од Итната медицинска помош била констатирана смрт.
Црна хроника
Возач на трактор тешко повреден откако излетал од коловозот
Вчера во 08.45 часот во полициската станица Валандово било пријавено дека во атар на с.Чалакли, валандовско, трактор „ИМТ 533“ со полуприколка, управуван од А.П.(48) од с.Балинци, валандовско, излетал надвор од коловозот.
Во несреќата со тешки телесни повреди се здобил возачот, констатирани во Општата болница Гевгелија.
Извршен бил увид од увидна екипа од ОВР Валандово.