Македонија
Истражителите уште собираат документи во зградата на СЈО
Истражителите кои ги испрати обвинителката Вилма Русковска да ја подигнат фианансиската документација за надоместоците кои екшефицата на СЈО, Катица Јанева, им ги делела на нејзините колеги, стручните соработници, истражители и други вработени речиси четири часа поминаа во зградата на СЈО.
Вработените во СЈО по завршувањето на работното време излегоа од задниот влез на Обвинителството. Нема информација од СЈО до кога се очекува да останат истражителите внатре.
Извори од СЈО тврдат дека истражителитите кои ги испратила шефицата на организиран криминал, Вилма Русковска, ги барале одлуките за високите исплатени надоместоци за вработените и договорите кои ги имале со СЈО.
Обвинители од СЈО, кои не сакаа да говорат јавно, зад камерите тврдат дека нема незаконитост во доделувањето на парите, бидејќи и додатоците и надоместоците биле исплатени во согласност со Законот за СЈО и за тоа знаеле и Советот на јавните обвинители и Собранието кое го изгласало нивниот буџет.
Според базата „Отворени финансии“, Катица Јанева во својот мандат добила дополнителни 157 илјади евра. Само за 2019 година зела 28 455 евра. Јанева седум месеци си доделувала по 4.000 евра како надоместоци за доверливост, да не се откриваат разговорите од прислушуваните материјали.
Јанева им давала високи суми и на своите соработници. Нивната висина се движела од 50 илјади денари до 180 илјади денари месечно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нема бојкот на претседателските избори, сите што излегле на парламентарните, гласале и за претседател, уверува Даштевски
Нема бојкот на претседателските избори, сите што излегле на парламентарни, гласале и за претседател, вели претседателот на ДИК, Александар Даштевски.
„На неколку места се појавени технички проблеми, кои во меѓувреме се решаваат, таму гласањето ќе продолжи на стар начин со УВ ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, во Куманово, во Тетово и во Гази Баба.
Како што дополнува, има доставено и 15 приговори за избирачко право, и само три од нив се одбиени.
Во однос на излезноста на парламентарните избори, до 9:00 часот, по обработени податоци од 1033 изборни места, гласале 4,45%. Според податоците на ДИК, најголема излезност има во Пробиштип, а најмала излезност за парламентарните избори има во Боговиње (1,43%).
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавците не треба да извршуваат дејност со исклучок на оние каде што работните процесите поради својата природа не може да се прекинат.
Поради првиот круг од претседателските избори, неработен беше и 24 април. Според одлуката на техничката Влада, двата неработни дена нема да се одработуваат.