Црна хроника
Разгневени стружани избодеа сограѓанин
Ноќта кон саботата, околу еден часот по полноќ, толпа разбеснети лица кои го нарушувале јавниот ред и мир, со остар предмет прободеле во градниот кош жител на струшкото село Велешта, а покрај тоа нападнатиот се здобил и со убодни рани во вратот и во пределот на десното уво.
Повредениот е пренесен во Медицинскиот центар во Струга каде е задржан на лекување.
Припадник на струшката полиција, по добиени сознанија утврдил дека по споменатито напад 24-годишен жител исто така на струшкото село Радолишта, со неколку други лица со кола се упатиле кон куќата на нападнатиот од Струга. Кога пристигнале, посочениот излегол од вопзилот и од пиштол испукал неколку куршуми кон лицето кое било во дворот.
Тогаш нападнатиот со уште неколку лица се упатил кон влезната врата од куќата, каде бил и напаѓачот, кој со нога ја искршил истата и се обидел да влезе внатре, но бил спречен во намерата, по што го напуштил лице местото.
Од полициската станица Струга преземаат мерки за расчистување на случајот./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.