Црна хроника
Барале две илјади евра откуп на киднапирана скопјанка
Двајца браќа од Скопје барале две илјади евра од сограѓанка откако насилно ја грабнале од работа, поради што против нив е поднесена кривична пријава и им е одреден 30-дневен притвор.
Кривична пријава поднесе полицијата против две лица од скопски Сарај поради грабнување на 38-годишната скопјанка Е.М. На 37-годишниот И.И., кој со неговиот десет години помлад брат Н.И. го сторил делото, му е притвор од 30 дена.
Едниот од браќата, според полициското соопштение, ја пресретнал жената на 25-ти септември на излезот од објектот „Јети“ во близина на пазарот кај скопски Бит пазар, при што ја фатил за рака и заканувајќи и“ се да не вика и да не бара помош и’ наредил да се упати кон нејзиниот автомобил „фолксваген поло“ кој бил паркиран во непосредна близина. Таму ги чекал вториот брат, а кога пристигнале до возилото почнале да и се закануваат дека ќе ја убијат доколку не им даде две илјади евра и насилно ја внеле во нејзиниот автомобил.
Во моментот додека траел настанот поминала и уште една колешка на грабната, веднаш реагирала прашувајќи ја што се случува, но добила закани, по што од страв да не биде повредена си заминала, а притоа напаѓачите и’ се заканиле по животот на уште една жена којашто во тој момент се нашла на местото од инцидентот .
Потоа тие се упатиле кој скопското село Сарај, но цело време зад нив се движела пријателка на грабнатата која што со неа требало да си оди дома од работа.
По пристигнувањето во Сарај, двајцата пријавени ја малтретирале и физички ја нападнале жената заканувајќи се дека доколку не им ја даде бараната сума, ќе го запалат нејзиното возило.
Тие ги барале парите под закана велејќи немаат пари и не можат да ги прехранат семејствата, а таа морала да им помогне бидејќи од претходно знаеле дека имала подигнато кредит.
По ова, двајцата браќа насилници ја однеле жената до пред нејзиниот дом за да земе пари и да им ги даде, но откако по околу пет до десет минути виделе дека не излегува од дома, побегнале, а жената во меѓувреме телефонски го пријавила случајот во полиција, по што грабнувачите набрзо биле пронајдени.
Инаку и претходно постариот брат бил кривично пријавуван за сторени кривични дела, повеќето од областа на имотните деликти, додека помалиот досега не е кривично пријавуван./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мајка од Велес ги оставила петте малолетни деца сами и заминала за Скопје
Полициски службеници од полициската станица „Ѓорче Петров“ синоќа во 2:05 часот по полноќ лишиле од слобода 36-годишна велешанка. Претходно во СВР Велес било пријавено дека таа во домот ги оставила нејзините пет малолетни деца и заминала во Скопје.
Како што денеска информираат од СВР Велес, известен бил јавен обвинител и по документирање на настанот против неа ќе биде поднесена соодветна пријава.
Црна хроника
Приведен 21-годишен охриѓанец, нападнал полицаец
Вчера во 00:10 часот, во угостителски објект лоциран на улицата „Св. Климент Охридски“ во Охрид, приведен е лице на (21) од Охрид, кој претходно бил агресивен кон полициските службеници кои преземале службени дејствија.
По целосно документирање на настанот, против него, ќе биде поднесена соодветна пријава.
Црна хроника
Угинато куче со пена на уста најдено на улица во Кавадарци, ќе постапува обвинител
Угинато куче било пронајдено доцна синоќа на улица во Кавадарци, по насока на јавен обвинител телото било однесено на обдукција, информираа денеска од Секторот за внатрешни работи – Велес.
– Синоќа во 22:15 часот во ОВР – Кавадарци, од Здружението за заштита на животни било пријавено дека на улица „Димката Ангелов – Габерот“ во Кавадарци има мртво куче со пена на устата. По насока на јавен обвинител, телото на кучето било подигнато од ветеринарен лекар и однесено во ветеринарна станица за вршење обдукција. Се преземаат мерки за расчистување на настанот, соопштија од СВР – Велес.

