Спорт
„АС“: На Атлетико итно му треба напаѓач, на пописот Пјонтек, Кавани и Белоти!

Мадридски Атлетико има проблеми со напаѓачите сезонава.
Алваро Мората по сјајната серија од 6 гола во низа на исто толку меча – застана. Диего Коста е често повреден, Никола Калиниќ е испратен на позајмица во Рома, па тренерот на тимот кој игра на три фронта (ЛШ, Ла Лига и Куп на Шпанија), Диего Симеоне бара засилување.
Според пишувањата на шпански „АС“, на листата желби на „јорганџиите“ се четворица напаѓачи.
?⚪ El Atlético tiene el problema del límite salarial, que le impide fichar si no sale algún jugador
? El club peina el mercado
⚽ Cavani siempre está ahí y asoma Piatek, el delantero polaco del Milánhttps://t.co/ux6QQU1Q2a
— Diario AS (@diarioas) December 3, 2019
Родриго од Валенсија беше блику до потпис со Атлетико, но неговото доаѓање зависеше од заминувањето на Анхел Кореа во Милан, што на крајот не се случи.
Втор на листата на желби на Симеоне е Едисон Кавани од ПСЖ. Уругваецот со доаѓањето на Мауро Икарди го изгуби местото во стартната постава, а на лето сигурно станува слободен играч. Затоа може да се очекува дека „Светците“ ќе го продадат во јануари, за да заработат на него. Претпоставките се дека Кавани би можел да се пресели на „Ванда Метрополитано“ за 20 милиони евра.
Чоло Симеоне гледа и кон Серија А. Таму на мета се двајца напаѓачи – Кшиштоф Пјонтек од Милан и Андреа Белоти од Торино.
По сјајните партии минатата сезона (постигна 30 гола), сезонава досега има само 3, од кои двапати од пенал. Полскиот фудбалер чини околу 40 милиони евра.
Од друга страна, од сите напаѓачи на радарот на Атлетико, во најдобра форма е Белоти. Италијанецот досега има 13 гола. Неговиот договор со Торино е до летото 2022 година. Сепак се чини дека Управата на клубот каде моментно настапува нем да го понуди за помалку од 50 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сон е подготвен да го напушти Тотенхем

Капитенот на Тотенхем, Сон, не е сигурен дека ќе остане во клубот. Кореецот има договор со клубот и за следната сезона. Клубот нема да му стои на патот доколку донесе одлука да го напушти Лондон.
„Имам уште една година од договорот. Пред да кажам нешто во овој момент, мислам дека сите треба да почекаме и да видиме што ќе се случи. Но, без разлика каде ќе завршам, секогаш ќе го дадам својот максимум. Тоа никогаш нема да се промени“, рече Сон.
Тој сè уште има повреда на стапалото, но влезе од клупата на натпреварот на Јужна Кореја во Сеул против Кувајт (4:0), во квалификациите за Светското првенство во 2026 година.
Сон рече дека имал проблеми минатата сезона, но дека била посебна поради пласманот на Тотенхем во финалето на Лигата на Европа.
„Знам дека луѓето можеби ќе кажат дека имав разочарувачка сезона, но за мене беше посебна бидејќи играш фудбал за да победиш, само победниците се паметат. Не бев во најдобра форма поголемиот дел од сезоната, но се надевам дека ќе бидам во подобра форма на почетокот на новата сезона“, рече тој.
Спорт
Готово е, Де Брујне ќе потпише за Наполи

Кевин Де Брујне (33) ќе стане нов играч на Наполи, објави Фабрицио Романо. Најпознатиот фудбалски инсајдер напиша „here we go“, што значи дека трансферот е завршен и дека се чека само да биде официјализиран.
Репрезентативецот на Белгија, како слободен играч бараше нов клуб откако му истече договорот со Манчестер сити, каде што стана еден од најдобрите фудбалери во светот.
Се пишуваше дека може да ја продолжи кариерата во МЛС или Саудиска Арабија, но одлучи да остане во Европа и следната сезона ќе игра во Лигата на шампионите со италијанскиот шампион.
„По лекарските прегледи и другите формалности, ќе потпише двегодишен договор со опција за продолжување за уште една сезона“, откри Романо.
Финснаките детали се уште не се познати, но италијанските медиуми претходно пишуваа дека Наполи му понудил 27 милиони евра за три сезони.
Кариерата, Де Брујне ја започнал во Генк, а потоа играше за Челзи, Вердер и Волфсбург. Дојде во Манчестер сити во 2015 година и долги години беше главен играч на тимот што владееше во Премиер лигата. Со клубот од Манчестер, тој ја освои Лигата на шампионите и уште 17 трофеи.
Одигра 111 натпревари за белгиската репрезентација и постигна 31 гол. „Трансфермаркт“ ја проценува неговата вредност на 20 милиони евра, а неговата највисока вредност според овој портал, специјализиран за фудбалски трансфери, била 150 милиони евра во мај 2018 година.
Спорт
Дурент посакува трејд во Сан Антонио

Кевин Дурент, еден од најдобрите играч во НБА бара начин да го напушти Феникс. Дурент има договор и за следната сезона, според кој треба да заработи 55 милиони долари, меѓутоа минимални се шансите да остане во Аризона.
Според инсајдерот Зак Лоу, Мајами Хит подготвуваат понуда, се обидуваат да состават вистински пакет за размена за да го доведат Дурант во Флорида.
Од друга страна, Дурант наводно ги претпочита Сан Антонио Спарс како прва опција. Тие се подготвени да вклучат тројца играчи во размената.
Спарс беа поврзувани со Јанис Адетокумбо во претходните месеци, па се чини дека тие исто така подготвуваат сериозен потег, покрај својот млад бисер Виктор Вембањама, да донесат суперѕвезда со која тимот би станал конкурентен во борбата за титулата.
Дурант одигра 62 натпревари во регуларната сезона оваа сезона, имаше просек од 26,6 поени, шест скока и 4,2 асистенции по натпревар.
Триесет и седумгодишникот ја започна својата кариера во Оклахома, а играше и во Голден Стејт и Бруклин.