Црна хроника
Силувачот на шест и убиец на четири девојчиња побара слобода

Најомразениот белгиски злосторник Марк Дутру во понеделникот побарал условно пуштање на слобода, иако изгледите дека тоа ќе му биде одобрено се речиси никакви.
Марк Дутру е осуден за грабнување, измачување и силување на шест девојченца и убиство на четири од нив во 1990-те, а својот случај го изложил на затворено сослушување на судот во Брисел во понеделникот.
Според белгиските закони, затворениците може да бидат ослободени откако ќе отслужат третина од казната или, доколку се осудени на доживотен затвор како Дутру, по 15 отслужени години.
Имајќи ја предвид грозоморноста на злосторствата на Дутру коишто ја шокираа Белгија и цела Европа, речиси не постојат шанси неговото барање да биде одобрено. Покрај тоа, кога неговата поранешна сопруга и соучесничка во злосторствата Мишел Мартен, осудена на 30 години затвор, беше пуштена на слобода минатата година по одлежани 16 години во затворот, таквата одлука предизвика жестоки протести во Белгија.
Сослушувањето во понеделникот било одржано под вонредни безбедносни мерки во самата судница и околу судот и во голема тајност. Одлуката на судијата ќе биде објавена на јавно рочиште на 18-ти февруари. Се` уште не е познато дали Дутру ќе присуствува на објавувањето на судската одлука./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична за полицаец од Скопско: возел со 1,65 промили алкохол во крвта, на полна линија му го пресекол патот на друг возач

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство Скопје, поднесе кривична пријава против Л.Д.(26) од с.Зелениково, скопско, поради постоење основи на сомнение за сторено кривично дело „безобѕирно управување со моторно возило“ по член 297-а од Кривичниот законик.
Пријавениот Л.Д.- полициски службеник во Сектор за известување и координација на состојби во МВР, на 21.04.2025 на подрачје на Кисела Вода во Скопје, пријавениот управувал возило со 1,65 промили алкохол во крвта и поминувајќи на полна линија го пресекол патот на друго патничко возило и на тој начин ја загрозил личната и безбедноста на возачот и патниците од другото возило. А откако запреле тој упатувал закани на другиот возач и удирал по неговотот возило.
Одделот за внатрешна контрола, криминалистички истраги и професионални стандарди против полицискиот службеник Л.Д. поднесе предлог за поведување на постапка за утврдување на одговорност за кршење на работната дисциплина.
Црна хроника
Тешко повреден велосипедист од Штип: во него удрил мопед и побегнал

Ноќеска околу 20.00 часот во СВР Штип било пријавено дека на магистралниот пат Радовиш-Штип се случила сообраќајна несреќа помеѓу велосипед управуван од Д.Т.(40) од Штип и мопед, по што возачот со мопедот го напуштил местото на настанот.
Со тешки телесни повреди се здобил велосипедистот, констатирани во Клиничката болница Штип.
Извршен бил увид од увидна екипа од СВР Штип и се преземаат мерки за расчистување на случајот.
Црна хроника
Прегазена 68-годишна жена од Скопје

Во СВР Скопје синоќа околу 19.15 часот било пријавено дека на ул.„Лука Геров“ во Скопје, патничко возило „ауди“ со скопски регистарски ознаки, управувано од В.Б.(70) од Скопје, удрило во пешакот М.С.(68) од с.Волково, скопско.
Во несреќата со тешки телесни повреди се здобила М.С., констатирани во Градската општа болница „Св.Наум Охридски“.
Извршен бил увид од увидна екипа од СВР Скопје.