Македонија
(Видео) Вработен во Општина Карпош нападнат на презентацијата на планот за Трнодол
Жителите на Трнодол бараа поголема сала каде што би можело да се одржи јавната расправа за ДУП-от што не го одобруваат.
Ова барање не беше прифатено, ниту одбиено од страна на општинскиот претставник Горан Павлов по што тензиите се вжештија. Жителите на Трнодол велеа дека во салата еден час пред одржувањето на јавната расправа дошле луѓе, кои ги нарекоа партиски војници, со цел да ја саботираат јавната расправа. Кога Павлов се врати во салата, каде што требаше да се одржи расправата, настана тепачка, најпрвин меѓу две групи граѓани, а потоа сите му се нафрлија на општинскиот претствник, кој требаше да го презентира ДУП-от за Трнодол.
Вработените во Општината бараа новинарските екипи да не снимаат и ги туркаа надвор од општинската зграда.
Внатре, освен физички контакт, имаше и пцости.
„Од кого пари зимате м**е ви е**м? За рекетари ли да плаќате, бе? Од мои пари рекетари плаќате. Искочи надвор. Излагај надвор. Излагај п***а ти м***р“, се слушаше во салата од човек што се претстави како жител на населбата.
Општинскиот претставник Павлов рече дека го нападнале повеќе лица.
„Ми се нафрлија повеќемина. Планирана седница не се откажува по лична волја на еден или двајца, јас не можев да бидам тој што ќе одлучи дали ќе одложиме или не“, кусо изјави Павлов.
По инцидентот, во Општината пристигна полиција.
Жителите на Трнодол тврдат дека на седницата се присутни и лица што се дојдени таму по партиска линија.
Тие се жалат на провокации од луѓе присутни на јавната дебата за кои велат дека дошле еден час порано. Тие тврдат дека намерно се носат луѓе за да се создава тензија.
Расправата не почна воопшто по инцидентот.
„Вие имавте провокатори овде“, рече еден од жителите кон вработените во Општината.
Жителите на Трнодол не се согласуваат со детаљниот урбанистички план, кој е ставен на јавна анкета, и кој, според нив, ќе предизвика штета на целата населба. Според нив, спорен детаљ се и маркичките за градба, кои се директно позиционирани врз каналот што ги собира водите од планината, а планираните петкатници ќе го загрозат слободниот проток на вода во случај на големи дождови и дополнително ќе го поткопаат брдото.
Бараат да се повлече предолжениот ДУП и Советот на Општината да донесе мораториум за градба и издавање дозволи за градба во ризичното подрачје, како што се брдата под Трнодол и Жданец. Не сакаат да се чепка структурата на населбата, тие се против тоа обиколница да поминува низ населбата, како што е претставено во планот. Тврдат дека иако градоначалникот им ветил дека се согласува со барањата и забелешките што граѓаните ги доставиле до Општината, на увид им го ставил истиот план, што кај нив предизвикува дополнителен револт. Тие велат дека чекаат нов регулациски план од Град Скопје, кој ќе ги реши спорните барања, и кога тој ќе пристигне, ќе седнат на маса и ќе се договорат заеднички со Општината за новиот ДУП. Доколку не се повлече овој ДУП, тие најавија протести, но и тужби против Општината.
Градоначалникот Богоев, пак, тврди дека се договорил со жителите и дека нема да има нова населба над Трнодол. ДУП-от што го предлага вели дека е по барање на жителите на населбата Козле и треба да се донесе, но тврди и дека не е конечен, ќе биде на јавен увид и може да се поднесуваат забелешки до 27 декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Муртезани секој ден го демантира Мицкоски, бараме итна затворена седница
Претседателот на СДСМ, Венко Филипче денеска во изјава за медиумите истакна дека во Владата има спротивставени ставови за евроинтегративните процеси на Македонија и тоа е уште поголема причина за собраниска седница на која премиерот Мицкоски треба да ги каже плановите на Владата за напредокот на земјата. Филипче смета дека спротивставените ставови на премиерот Христијан Мицкоски и министерот за европски прашања Орхан Муртезани, се потврда за неспособноста на Владата да обезбеди јасен план за евроинтегративниот процес на државата.
„Многу најави има од премиерот за некаква поддршка од некои држави, за менување на преговарачката рамка, нешто што наводно би ја подобрило нашата положба во процесот на евроинтеграции. Меѓутоа сето тоа е обвиено со мистерија и не знаеме никакви детали. Премиерот има обврска тоа да го соопшти, прво пред Собранието, пред народните избраници а понатаму и пред граѓаните. Да знаеме, сега кога еднострано го запре евроинтегративниот пат, нешто за што сметам и ќе повторам, нема никакво право, ниту политичко, ниту етичко, морално, напротив има обврска пред граѓаните да го продолжи тој пат којшто го очекува огромно мнозинство на граѓаните, и потврдено преку огромната поддршка на граѓаните на сите анкети направени досега наназад. Тоа е местото каде што се дискутира“-изјави Венко Филипче, претседател на СДСМ.
Филипче истакна дека во Собранието треба да се расчистат овие „дисонантни тонови“, бидејќи тоа е местото каде што треба да се дискутира за иднината на државата и клучните прашања во врска со патот на Македонија кон Европската унија.
„Жалам што неговиот министер Муртезани го демантира во неговите најави и изјави дека наводно има некаква поддршка да се донесат уставни измени со одложено дејство. Самиот министер кажа дека воопшто во ЕУ во ниту една држава нема расположение за таква работа.Сметам дека тие конфузни изјави, тие дисонантни тонови во Владата коишто оставаат впечаток дека таму владее една целосно бесперспективност, мора да се расчистат во Собранието. Мора да знаеме кој е планот на Владата ако воопшто го има и како ние ќе го продолжиме евроинтегративниот пат“-изјави претседателот на СДСМ, Венко Филипче.
Тој додаде дека СДСМ секојдневно покажува конструктивност по прашањето за продолжување на евроинтегративниот пат на државата, но за жал одговор од премиерот во таа насока нема.
Македонија
Андоновски ја најави првата мобилна апликација за лични документи и за услуги
Министерот за дигитална трансформација, Стефан Андоновски, денеска во новите простории на министерството за дигитална трансформација, пред медиумите и граѓаните го презентираше сработеното во рамките на 100 дена од новата Влада.
Министерот Андоновски го најави проектот за изработка на првата владина мобилна апликација за административни услуги Super App ELI. „Аплицираме на програма на Европската унија која ќе ни овозможи да развиеме мобилна апликација за административни услуги. Овој проект, наречен Supper App ELI, со вредност од 1.200.000 евра, е дел од иницијативата на Дигитална Европа. ЕЛИ ќе биде револуција во пристапот до јавните услуги,“ изјави Андоновски.
Андоновски најави дека секој граѓанин ќе има пристап до административните услуги директно преку својот мобилен телефон.
Во рамки на овој проект се работи на воведување на дигитална верзија на лични карти и возачки дозволи, познати како мобилен паричник (ID Wallet). Дигиталниот паричник ќе претставува револуција во начинот на кој граѓаните се идентификуваат и пристапуваат до услуги.
Андоновски најави и дека Министерството работи на целосен редизајн на порталот за услуги – uslugi.gov.mk.
„Свесни дека постоечкиот изглед на порталот за е-услуги не ги исполнува целосно потребите на граѓаните, се зафативме за сериозни подобрувања на порталот. За кратко време ќе имаме обновен портал за услуги со изглед кој е поинтуитивен и полесен за користење, кој ќе понуди нови функционалности и пристапност за лицата со попреченост и нови услуги и ќе се осигураме дека тие одговараат на реалните потреби на граѓаните.“, подвлече Андоновски. „Веруваме дека со овие подобрувања, ќе создадеме портал кој навистина ќе ги задоволува потребите на нашите граѓани и ќе прерасне во едноставна и единствена точка за контакт меѓу граѓаните и институциите.“ потенцираше Андоновски.
Во своето излагање, Андоновски најави и 100 нови електронски услуги во 2025 година, достапни на порталот за услуги.
„Секоја од овие услуги ќе биде базирана на анкетата која ја спроведовме со приватниот сектор, но и анализите кои произлегуваат од институциите. Овие нови услуги ќе опфаќаат широк спектар на области, од административни процедури во МВР, до услуги од ПИОМ, Министерство за правда, итн.“
Министерството најави дека со воведувањето на новите услуги, се очекува значително да се зголеми бројот на активни корисници на порталот и да се подобри ефикасноста на државната администрација. „На овој начин создаваме единствена точка за контакт меѓу граѓаните и институциите. Ова е иднината на дигиталната трансформација во нашата земја“, заклучи Андоновски.
Македонија
Филипче: Наследството на Глигоров е патоказ за напредок
Претседателот на СДСМ, Венко Филипче денеска во основното училиште „Киро Глигоров“, во општина Центар, присуствуваше на свеченоста по повод откривање на биста на првиот претседател на самостојна Македонија, патрон на училиштето. Говорејќи за ликот и делото на претседателот Глигоров, Филипче истакна дека тој оставил силен печат врз историјата на нашата татковина со правецот по кој ја движел земјата.
„Тој беше лидер кој ги постави основите на современата македонска држава, воден од принципите на демократија, мир и соработка. Глигоров е симбол за мудрост и визионерство, затоа и не случајно многумина го нарекуваа „Таткото на нацијата“. Во најтешките моменти, кога државата се соочуваше со предизвици во процесот на независност, донесе мудри политички одлуки. Глигоров го постигна она што ниту една Република од поранешна СФРЈ не успеа да го направи-Македонија по мирен пат стана независна, суверена и демократска држава.
Тој веруваше во силата на дијалогот и помирувањето, нешто што е особено важно и денес, кога треба да продолжиме работиме на заедничката иднина на државата. Благодарение на Глигоров, Македонија стана дел од најголемото меѓународно семејство на народи- Организацијата на обединети нации“-изјави претседателот на СДСМ, Филипче.
Вредностите и државнички одлуки, на Глигоров, оставија траен белег во нашето општество и се патоказ за идните политики за напредок и просперитет на државата, истакна Филипче.
„Ние, како генерација, сме обврзани да ја продолжиме неговата визија за напредна и демократска Македонија, да ги надминеме сегашните предизвици и да изградиме подобра иднина за сите наши граѓани. Со оваа биста, што денеска се постави во истоименото основно училиште, не само што оддаваме почит, туку и ја чуваме визијата на Глигоров жива во нашето секојдневие, инспирирајќи ја младината да се бори за заедништво, стабилност и просперитет“-изјави претседателот на СДСМ, Венко Филипче.