Регион
Веруфакис: Грчкото ‘не’ е победа на демократска Европа, Ципрас ќе ги ‘интензивира“ иницијативите за договор
Грчкото „не“ е големо „да“ за демократска Европа, изјави во неделата навечер грчкиот министер за финансии Јанис Варуфакис откако Грците на референдумот е речиси јасно дека победи опцијата којашто ја заговараше тој заедно со премиерот Алексис Ципрас, чиј претставник во преговорите со кредиторите најави дека Атина ќе се врати на преговарачката маса.
„Денешното ‘не’ е големо ‘да’ за демократска Европа. Од утре со овој храбар глас ‘не’ ќе ги повикаме своите партнери да пронајдеме заеднички став“, изјави грчкиот министер за финансии Јанис Варуфакис, откако по повеќе од половината од избирачкиот материјал од грчкиот референдум повеќе нема дилеми дека уверливо мнозинство од гласачите се одлучиле да го послушаат премиерот Алексис Ципрас и да ги отфрлат предлозите и барањата на меѓународните кредитори и европските партнери – Меѓународниот монетарен фонд, (ММФ), Европската централна банка (ЕЦБ) и Европската комисија.
Грчкото министерство за внатрешни работи по обработениот материјал од 51,88 отсто од избирачките места, објави дека опцијата „не“ е во водство со 61,24 отсто, додека опцијата „да“ освоила 38,76 отсто од гласовите, а неважечки се 5,72 отсто од гласачките ливчиња. Одѕивот на гласачите изнесувал 60,01 отсто од околу десетмилионското гласачко тело.
Премиерот Алексис Ципрас минатиот викенд објавувајќи го референдумот рече дека Грците мора да ја земат судбината во своите раце и да испратат звучна демократска порака на европската и светската заедница, што очигледно наиде на согласност кај жителите на презадолжената земја, којашто веќе неколкупати во својата историја банкротирала, изморени од строгите мерки за штедење по годините лагоден живот. Иако, анкетите пред референдумот покажуваа речиси изедначеност во поддршката за двете опции, на гласањето уверливо Грците се одлучија за „охи“ (не).
Во мноштвото изјави за медиумите дадени во триумфалистичка атмосфера во Атина, помошникот на грчкиот министер за меѓународни односи и координатор на преговорите со доверителите, Евклидос Цакалотос изјави во неделата навечер дека Атина ќе се врати на преговорите и ќе „преговара за реформитте, долгот и планот за зголемување на економскиот раст“.
„Спротивната страна сега знае дека нема да потпишеме каков и да е договор (…). Од вечерва сме подготвени да разговараме“, порача Цакалотос.
Портпаролот на владата Габриел Сакеларидис за телевизијата ANT1, пак, изјави дека од неделата навечер премиерот Ципрас „ќе ги интензивира иницијативите за постигнување договор“ со меѓународните кредитори, со кои пет месеци беше преговарано без ефект.
Исто така, објасни дека централната национална банка уште ноќта во неделата упатила барања до Европската централна банка, верувајќи дека има цврсти аргументи за зголемување на плафонот за итна помош за ликвидност на грчките банки (ELA) кои веќе една седмица не работата, а според најавите нема да отворат сé додека не биде постигнат договор и поради масовното повлекување на средствата на штедачите изминатите седмици, наскоро може да останат без пари.
По референдумот, Европската централна банка, на којашто Атина на 20-ти јули треба да ѝ плати 3,6 милијарди евра од долгот, и којашто последните денови ги држеше грчките банки во вештачка кома, повеќе од кога и да е претходно одлучува за нивното опстојување, целата грчка економија и за натамошната судбина на Грција во европската монетарна унија,.
Советот на гувернерите на ЕЦБ, како што тврди гувернерот на Австриската народна банка, Невалд Новотни, ќе се сретне во понеделник. Без оглед дали ќе биде постигнат договор меѓу доверителите и Атина, ЕЦБ „нема основа за продолжување на испраќањето помош за Грција“, коментираше за агенцијата APА, економистот Холгер Шмидинг.
Веднаш по објавувањето на прелиминарните резултати од грчкиот референдум на меѓународните валутни пазари еврото падна во однос на американскиот долар за повеќе од 1,5 отсто, на 1,09868 долари. Финансиските аналитичари за понеделник најавуваат бурен ден на светските берзи./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
15-годишно девојче загина по удар од автобус во Земун, повредени се неколку лица
15-годишно девојче загина денеска во сообраќајна несреќа во Земун, додека четири лица се пренесени во болница, меѓу кои бремена жена и шестгодишно дете, пишуваат медиумите во регионот.
Девојчето што починало било удрено од автобус, по што се судриле три патнички возила, според Танјуг.
Според сведоците, жена трчала преку улицата, а возачот на автобусот се обидел да ја избегне, па всушност преминал на тротоарот, каде што го удрил детето.
И јавното комунално претпријатие GSP се огласи по повод тешката сообраќајна несреќа во Земун во која девојче (15) почина кога беше удрено од автобус а неколку лица беа повредени, стои во написите на српските медиуми.
„Денес околу 12:20 часот, на улицата Цар Душан на број 136, се случи тешка сообраќајна несреќа со смртоносен исход и неколку полесни повреди. Во оваа несреќа учествуваа неколку патнички возила и автобус од линија 18 што ја напушти гаражата и се упати кон терминалот за да се вклучи во сообраќајот. Околностите под кои се случи оваа сообраќајна несреќа се уште се непознати и полицијата работи на нивно утврдување“, изјави GSP.
Како што пишува „Телеграф“, автобусот се обидел да избегне жена која трчала преку улицата надвор од пешачкиот премин, поради што свтел на тротоарот, удирајќи го девојчето кое завршило под возилото. На патот, тој удрил во неколку паркирани автомобили, а потоа се забил во порта на куќата.
Телото на девојчето било извлечено од под автобусот од пожарникари, а екипите за итни случаи можеле само да констатираат смрт. Во несреќата биле повредени десет лица, меѓу кои деветмесечна бремена жена, мајка и шестгодишно дете, 74-годишна жена.
Фото: принтскрин
Регион
Девојки скокнале од воз во движење бидејќи ја пропуштиле својата станица, едната е во критична состојба: хорор во Бугарија
Две девојки, на возраст од 20 и 21 година, биле итно префрлени во болница во Пловдив откако скокнале од патнички воз на линијата Софија-Бургас во близина на железничката станица „Клисура“, потврди вчера прес-центарот на Одделот за внатрешни работи во Пловдив. 20-годишната девојка се здобила со тешки повреди и е во критична состојба, објавува порталот 24chasa.bg.
Инцидентот бил пријавен во службите за итни случаи во вторник околу 13:30 часот. Според првичните информации, девојките скокнале од прозорецот додека возот се движел, објавува БНТ.
Се наведува дека тие скокнале од возот во движење бидејќи ја пропуштиле станицата од каде што требало да слезат.
Наводно, не успеале да ја отворат вратата од вагонот на време. Кога конечно успеале да го сторат тоа, решиле да скокнат, но возот веќе добивал брзина.
Покрената е прелиминарна истрага и е известено Окружното обвинителство.
Поради инцидентот, сообраќајот помеѓу станиците „Клисура“ и „Стрјама“ е привремено прекинат.
Според Антонија Иванова од прес-центарот на Универзитетската болница за активен третман „Свети Георги“ во Пловдив, состојбата на 20-годишното девојче е исклучително лоша, објавува 24chasa.bg.
„Во моментов не можам да дадам никакви дополнителни информации. Другото девојче, кое има 21 година, е хоспитализирано во клиника во здравствена установа во стабилна состојба“, рече таа.
фото: принтскрин
Регион
Дете остана без рака при експлозија на плажа кај Будва
Страшна несреќа се случи на плажа во близина на Будва, каде што вчера експлодираше боца за нуркање. Во таа прилика, едно дете беше тешко повредено.
Црногорската полиција го уапси М. Б. (45), граѓанин на Белград, кој е обвинет за предизвикување јавна опасност и нелегални активности. Според официјалните информации, осомничениот управувал со опрема за нуркање без потребната регистрација или одобрение, што, како што е наведено, ги загрозило животите на присутните.
Детонацијата се случила во непосредна близина на плажата, кога експлодирала боцата за нуркање. Делови од неа одлетале на поголемо растојание и го погодиле детето, странски државјанин, во раката, што довело до ампутирање на неговата рака. Повреденото дете веднаш било пренесено во болница.
До него, уште две лица се здобиле со полесни повреди од експлозијата и побарале медицинска помош.
На местото на настанот дошол обвинителот на Основното државно обвинителство во Котор, заедно со експерти од машинската струка, каде што била спроведена истрагата. По спроведените мерки и дејствија, М.Б. бил уапсен и приведен од надлежните органи.
Несреќата предизвика голема вознемиреност кај туристите и локалните жители, додека истрагата треба да ги утврди сите околности и одговорноста на осомничениот, пренесуваат медиумите во соседството.
Фото: принтскрин
Фон дер Лајен: Путин мора да седне на преговарачка маса, Европа ќе ја одигра својата улога
Претседателката на Европската комисија, Урсула фон дер Лајен, денес разговараше телефонски со украинскиот претседател Володимир Зеленски и американскиот претседател Доналд...
21-годишно момче загина а две лица се тешко повредени во сообраќајка кај Градско
Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко...
Битолчанец се удавил во водите на Охридското езеро
Вчера во 12.55 часот во ОВР Струга било пријавено дека во водите на Охридското езеро бил пронајден починат В.Т.(49) од...
Мицкоски до Филипче: Време е да бидат конструктивна опозиција, растот на нето-платата сега е двојно поголем во однос на периодот на Владата на СДСМ
„Добро е да се направи споредба меѓу параметрите што ги прават СДСМ и ДУИ кога тие беа во Владата седум...
Османи: Албанците никогаш нема да прифатат некој друг да одлучува во нивно име
Кандидатот за градоначалник на Чаир од редовите на ДУИ, Бујар Османи, реагираше на последните изјави на премиерот Мицкоски, кој најави...
Арсовска: „Такво време дојде, ем да тепаат жени, ем да глумат жртви дека се тепани“
Градоначалничката на Град Скопје, Данела Арсовска со објава на социјалните мрежи пред утрешното рочиште во Кривичниот суд во Скопје, на...
ДУИ: Од Балансер до Бадeнтер, план за рушење на уставниот поредок
Северна Македонија никогаш немала влада- по настроена против Охридскиот договор, против европската иднина и европската интеграција и повеќе од рамнодушна...
Сијарто: Европските политичари се најжестоките противници на мирот во Украина
Унгарскиот министер за надворешни работи Петер Сијарто изјави дека европските политичари во моментов се „најжестоките противници на мирот во Украина“,...
Го удирале со боксови по целото тело и глава: преку психијатриско вештачење ќе се утврди дали тројцата осомничени свесно го извршиле убиството во Кавадарци
Основното јавно обвинителство Кавадарци донесе Наредба за спроведување истражна постапка против три лица за кои постои основано сомнение дека како...
На ГП Меџитлија откриени над 300 шишиња со хемиски препарати за прскање: спречен обид за криумчарење
Царинските службеници на граничниот премин Меџитлија спречија обид за криумчарење на поголема количина препарати за заштита на растенија. Во раните...
(Видео) Напаѓачот од САД се претставувал како жена: оставил морничави пораки
Напаѓачот во училиштето во Минеаполис, кој уби две деца и рани најмалку 17 други, е идентификуван додека полицијата истражува манифест...
СДСМ ги објави имињата на уште 11 кандидати за градоначалници
Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за...
Родителите од Демир Хисар револтирани: Законот ги принудува учениците на сместување во домови за да добијат превоз
Родители од Демир Хисар изразија незадоволство од измените на законот за средно образование и изразија загриженост за превозот на децата...
(Видео) „Филипче со лаги за економијата во стилот на Заев – не знае чија е јахтата, ама знае дека ќе коалира со ДУИ“, вели Стојаноски
„Денешната прес-конференција на Венко Филипче е најдобар доказ дека СДС е изгубена во сопствените лаги и дека се обидува со...
Сите ученици ќе имаат учебници на почетокот на новата учебна година, и тоа по сите предмети, велат од МОН
Сите ученици ќе имаат учебници на почетокот на новата учебна година и тоа по сите предмети согласно наставните планови во...
МВР со детали за пожарот кај „Зебра“: четири возила зафатени од огнот
Денеска, во 2.05 часот, во СВР Скопје било пријавено дека во Скопје, на територијата на Центар, било опожарено патничко моторно...
(Видео) Филипче: Со ВМРО-ДПМНЕ на власт основните трошоци се зголемени за 4.300 денари, а минималната платата за 1.800 денари
ВМРО-ДПМНЕ за една година ја доведе државата во најголема економска несигурност што сме ја виделе досега, а граѓаните живеат сé...
„Кандидатурата на Мециновиќ за Скопје е договор на партијата Левица да им помогне на СДС и ДУИ“, велат од ВМРО-ДПМНЕ
„Јасно е дека кандидатурата на Амар Мециновиќ е дил на Левица за помош на ДУИ и СДС, со математика Орце...
Убиство во Кавадарци, тројца уапсени
Денеска во 04:56 часот во ОВР Кавадарци било пријавено дека на заден влез од казино на улицата „Никола Минчев“ во...
Муцунски за „Политико“: Државата не е подготвена за уставните измени што ги бара Бугарија без цврсти гаранции од ЕУ дека тоа ќе биде последното такво барање
Во рамки на работната посета на Брисел, министерот за надворешни работи и надворешна трговија, Тимчо Муцунски, даде интервју за политичкиот...
