Малолетничка од Скопје која била пријавена како исечзната во сабота вечер била пронајдена во угостителски објект во тетовско Жеровјане во кој работела како танчерка.

Заедно со неа, во кафеаната „Ловец“ во сопственост на Ш.А. (42) од Мала Речица биле затекнати уште шест државјанки на Македонија. Како што соопшти Министерството за внатрешни работи, малолетничката во недела напладне им била предадена на нејзините родители.

Полициски слжбеници на СВР Тетово во текот на изминатата ноќ извршиле акциска контрола и во објектот „Ориентал АС“, исто така, во тетовското село Жеровјане.

Во кафеаната во сопственост на 25-годишниот Х.А од Боговиње, затекнати биле пет странски државјанки, од кои три од Бугарија и две од Србија, на возраст од 21 до 26 години, а кои биле ангажирани како танчерки. Петте странски државјанки биле приведени, а потоа биле предадени на Отсекот за прекуграничен криминал, миграции, странци и реадмисија за натамошна постапка, во рамките на која ќе се утврдуваат сите поединости околу нивниот престој и работа на подрачјето.

Оваа акциска контрола е планирана активност на СВР Тетово за откривање на странски државјани кои непријавено престојуваат и работат на подрачјето и за евентуална нивна инволвираност во трговија со луѓе или во други криминални дела, соопшти МВР. крај/мф/сд